Ka North-Eastern Hill University Teachers’ Association (NEHUTA) ka la pynrem jur halor ka jingshah shoh u Dr. Alok Singh uba dei u Assistant Professor ha North Eastern Hills University (NEHU). Ka jingshah shoh u Dr. Alok ha kamra treikam jong u ha NEHU, ka la pynkyndit bad ka NEHUTA ka la dawa na ki bor pyniaid ba kidei ban leh ia kaba donkam pyrshah ia kito kiba donkti ban shoh ia une u nonghikai. Ka NEHUTA ka la kyntu ia ki bor pyniaid ba kin pyllong ia ka jingtohkit halor kane ka jingjia khnang ban pyntikna ba u Dr, Alok un ioh ia ka hok bad ban pyntikna ba kum kine ki jingjia kim dei shuh ban nanng jia nangne shakhmat.
Lah ban kdew ba u nonghikai Assistant professor ka skulbah North Eastern Hills University (NEHU) u Dr Alok Singh ula shah shoh ha ka 24 tarik Iaiong ha ka por kumba 4 baje tam eiei janmiet. Na ka liang jong u Dr. Alok ula kynnoh ba ki don Hynriew ki samla jong ka seng ki samla pule ka North Eastern Hills University Students Union (NEHUSU) kiba la donkti ban wan shoh ban dat ia u, khlem kano kano ka daw.
U Dr. Alok ula iathuh ba ula shah shoh na ka bynta jong ka kti, ka met bad ka ryndang. Halor kane ka jingjia, na ka liang u Alok u la ujor da ka ejahar ha Mawkynroh Police Outpost khnang ba ki bor ka ain kin leh ia kaba donkam.
You may also like
-
Ban ïoh rung World Record 1000 tylli ki ksing yn tem ha Wangala
-
Ïa shim bynta da ki hajar ngut ha Proseshon Ïukharist Bah
-
Lyngba ka CM-Connect la lah ban pynbeit 5 hajar duna na palat 7 hajar ki jingud paidbah
-
Kylla rong lieh ka surok ha Langñiuh, ïam sngewsih ki nongrep
-
U pa ieid ba 104 snem bad ki skul pynkup burom kyrpang ka Riwar Mihngi Local Dorbars