Ka long jingkmen bad sarong ia ka jaidbynriew bad ka jylla ba u Prof David R Syiemlieh jong ka Jylla Meghalaya ula shah pynkup burom da ka Padma Shri Award ha ka liang ka thoh bad ka pule dangle. U Prof Syiemlieh, u Scholar ka History & Culture ka North East bad Chairman barim ka UPSC, u dei uwei napdeng ki 4 ngut ki nongioh ia ka Padma Vibhushan, 10 ngut ki Padma Bhushan bad 57 ngut ki ba ioh ia ka Padma Shri Award jong u snem 2025.
Ia kane ka khusnam la pynkup burom da ka President ka Ri India Droupadi Murmu ha ka jingialang ba la pynlong ha Ganatantra Mandap jong ka Rashtrapati Bhavan ha New Delhi. U Vice President ka India Jagdeep Dhankhar, u Myntri Rangbah Duh ka Ri Narendra Modi, u Myntri kam pohiing Amit Shah bad bun kiwei de ki Myntri bad ki Heh Sorkar ki la iadonlang ha kane ka jingialang.
Kine ki nongioh ia ki khusnam kin leit ban pyndon burom ha ka National War Memorial lashai ka step 29 tarik Iaiong bad kin sa leit iuhkjat ruh ha Rashtrapati Bhawan bad Pradhanmantri Sangrahalaya.
You may also like
-
Ka AMMRPWU kam don bynta shuh bad ka JAC: Bah Nazarius K Lanong
-
Shah kawang Petrol bom ka Lumdiengjri PS, julor ka kali DHS ba kem ding
-
Iakynduh ka kynhun ki Nongthoh khubor na UP ia u Lat ka Meghalaya
-
Noh synniang ka APSTA da ka ‘Charity Home’ ha rakhe sngi iap u Thomas Jones
-
Balei phim rung BJP ban ioh plie dewiong, ong u Amit Shah ia ki MLA UDP