Ki pulit ka Nongpoh Police Station, mynta ka sngi ki la mih ban ai jinghikai ia ki paidbah halor ka kyndon ain jong ka Cigarette and Tobacco Products Act 2003 kaba khang pyrshah ia ka jingdih duma ha ki jaka paidbah, ia kane ka programme la pynlong ha kylleng ki jaka ha sor Nongpoh.
Ha kane ka jinghiar ki pulit ban ai jinghikai halor ka kyndon ain ba khang pyrshah ia ka jingdih duma ha ki jaka paidbah, katto katne ngut napdeng ki riew paidbah ki la ngat ruh ha ka jingshah daiñ kuna namar ka jingbym burom ia ki riew paidbah da kaba dih duma ha ki jaka ba bun ki riew paidbah bad ruh ia kito kiba niah kali kamai.
Lah ban kdew, ba kane ka kyndon ain jong ka COTPA ka khang pyrshah ia ka jingdih duma ne jingdih ia ki kynja jingdih duma bad kiwei kiwei ha ki jaka paidbah, hajan ki skul bad kiwei kiwei bad kiba pynkhein ia ki kyndon ain kin ngat ha ka jingshah pynshitom bad shah daiñ kuna.
Na ka liang ki bor pulit, kiba dang treishitom ban ai jinghikai halor katei ka kyndon ain, ki la kyrpad ruh ia ki riew paidbah ban burom lem ia kiwei kiba iaid ba ieng ha ki jaka paidbah khamtam haba don ki khyllung khynnah bad ki khynnah da kaba kiar ban dih duma, kaba long ruh shibynta ban iada ruh ia ki na kano kano ka jingshah ktah ha ka koit ka Khiah.
You may also like
-
Lap i’u rangbah ba sdien phasi ha dukan, suba kiba haiing ba shah pyniap
-
Ka Sorkar ba ialam ka NPP kam ju pyndonkam bakla ka bor pyrshah ia ki paidbah
-
T.400 klur na bynta ban pyntrei ia 53 tylli ki project ha Garo Hills
-
Ka MSFC kan pynthikna ban ym don uwei ruh ban iap thngan: DP Walang
-
Sdang ka DREAM na Shillong ban lum jingkhein ia ka jingdon nongdih drok