Pyniar ka Toyota Kirloskar Motor ia ka jingdon jong ka ha ka thain Shatei Lam mihngi da ka jingpyllait iaka jaka die kali kaba thymmai ha Jorhat, Assam

Ha kawei na ki sienjam treikam ban pynkhlain ia ka jingdon jong ka ha ka thain Shatei Lam Mihngi, ka Toyota Kirloskar Motor (TKM) mynta ka sngi ka la plie ia ka jaka die kali ba thymmai – ka Preet Toyota, ha Jorhat, Assam. Kane ka jaka die kali kaba thymmai ka pyni ia ka jingiai bteng jong ka Toyota ban phai khmat sha ki kam kiba iadei bad kumno ban pynlong ia ki kali jong ka ba kin suk ki briew, ban ai ka jingshaniah ia ki nongthied, bad kyrshan na ka bynta ban pyndap ia ki jingdawa jong ki nongthied ban ioh ia ki kali ha kane ka iew kaba la sdang kiew ha ka thain.  Ia ka Preet Toyota la plie ha ka jingiadonlang jong U Masaru Shimada, Deputy Managing Director, Toyota India & Middle East, U Arun G Nair, Vice President, Chief Representative – East Region, Sales- Service-Used Car, Toyota Kirloskar Motor bad U. Akash Agarwal, Dealer Principal jong ka Preet Toyota. 

Namar ba ka Jorhat kadei ka jaka kaba biang bha ka ioh ka kot bad ka jaka kaba bun ki riti dustur ha Upper Assam, ka jaka die kali kaba thymmai ba la buh hangne kadei kaba la buh ryngkagt ka jingpyrkhat sani ban ai ka jingshakri sha ki nongthied ki bapher bapher ha kylleng ki bynta jong ka thain—naduh ki briew kiba sah ha sor kiba la sdang ban bun shaduh kito kiba sah ha ki sor rit bad ki shnong ki thaw. Ka jingheh jong kane ka jaka die kali ka long 26,000 sq. ft., ka don ruh ki jingtyrwa kiba biang bha naduh ka por die ne Sales, ki jingshakri hadien kata ne Service bad ki tiar kali ne Spares (3S), ryngkat bad ka kynhun kaba la ioh jinghikai bha na ka bynta ban ai ka jingshakri ba bha tam. Shuh shuh, kane ka jaka die kali ka don ruh iaka T Gloss studio kaba ai ia shibun ki lad ki lynti ban ioh jingshakri ia kaba la shna bad pynwandur kyrpang na ka bynta ki kali Toyota.  Kine ki jingshakri ki ba pyntikna ba kin ioh ia ki jingshakri ha ka rukom ban sumar ia ka kali ia kaba yn leh da ki briew kiba tbit, khnang ba kito kiba don kali kin ioh ia ka jing sngewhun ha ka jinglong trai ia ki kali. Nalor kane, kane ka jaka die kali kaba thymmai ka Preet Toyota ka don ia ka Toyota U-Trust kaba iarah ban thied, ban die bad ban ia kylliang ia ki kali rim.  Kane ka jaka die kali kaba thymmai kan ai ia shibun jait ki jingtyrwa kiba iadei bad ki kali Toyota, naduh ka kali Innova Hycross, Fortuner, Hilux, Urban Cruiser Hyryder bad kiwei kiwei, bad kumjuh ruh ia ki kali Camry Hybrid bad Vellfire, ban pynbiang ia ka jingdonkam jong ki nongthied kiba kwah ia ki kali kiba ha la ka rukom. 

Haba kren shaphang kane ka jingplie paidbah ia ka jaka die kali ba thymmai, U Arun G Nair, Vice President, Chief Representative – East Region, Sales- Service-Used Car, Toyota Kirloskar Motor, u ong, “Ka thain shatei lam mihngi ka don shibun ka kabu, la ka jong ha ka iew bad ka jingthrang jong ki nongthied. Ha ka Toyota, ngi ngeit ba ka jingwanrah ia ka jingiadei kaba jan bad ki nongthied da kaba ngi nang pynkhlain ia ka jingdon jong ngi ha kylleng ka ri India. Kane ka jaka die kali kaba thymmai ha Jorhat ka pyni ia ka jingaiti lut ong ngi ban pyniajan bad ki nongthied, da kaba tyrwa sha ki ia shibun ki kali kiba iaryngkat bad ki ri ka pyrthei bad ha kajuh ka por ban pynioh ia ki trai kali ia ka jingsngew hun ba kin long ki trai kali ia kaba la batai lyngba ka jingsuk, kaba shai bad ka jingshaniah. Ngi sngew skhem ba kane ka jaka die kali kaba thymmai kan ai jingshakri kaba biang na ka bynta ka jingaiti lut ka Toyota ban pynmih ia ki kali kiba shngain, bad ki kali kiba biang ha ka thain.” Haba kren ha ka sngi plie ia kane ka jaka die kali kaba thymmai, U Akash Agarwal, Dealer Principal jong ka Preet Toyota, u ong, “Ngi sngew sarong ban ioh ban wanrah ban pyni ia ka nam jong ka Toyota ha kaba iadei bad ka jingpynmih ia ki kali kiba bha bad kiba la shna katkum ki buit treikam thymmai sha ki briew jong ka Jorhat bad ki thain ba marjan. Kane ka jaka die kali ba thymmai kam dei tang ka jaka—kadei ruh ka sienjam ban wanrah ia ka jingiadei kaban neh shyrta bad ki nongthied da kaba wanrah ki jingtyrwa ia ki tiar ki tar kiba lah ban shaniah, ki jingshakri kiba bun jait, kumta kan ai ruh ia ka jinglong trai kaba sngewhun. Kum ka shnat ba iatehlok bad ka Toyota, ngin trei na ka bynta ban nang kyntiew ia ka nam jong kane ka kyrteng bad pyntikna ba man ka jingiathyngkhuh kam kan pyni ba ka Toyota ka ieng na ka bynta ka jingbha.”