U Myntri ka tnat Bording u AT Mondal hynne ka sngi ula leit jurip ia ka Ganol Dam bad ka Powerhouse ban bishar bad ban lum jingkhein ia ka jinglong jingman ha kaba iadei bad ki jaboh kiba la lum na ka daw jong ka jingther u slap kaba la pyntuid iaki jaboh ha kane ka dam.
“Ki daw ki dei kham bunsien kine ki jaboh ki wan tuid na ki iewm, naki jaka picnic, ki jaka khaii bad ruh ki jaboh khlaw kum ki tnat dieng, ki siej bad kiwei kiwei de. Namar ka jingjur jong u slap, ki um ba tuid ki la kit ia kine baroh sha ka Dam” la ong u Mondal. U Mondal u la pyntip ba bun ki jaboh la lah ban pynkhuid noh lyngba ka jingdon ka Intake Point Site jong ka Dam bad iaka ba mynta ki nongtrei ki dang pynkhuid ïa ki jakhlia kiba dang sahkut haka Dam.
U Myntri u la pyntip ba u Deputy Commissioner ka West Garo Hills u la sdang ban shim iaki sienjam bad kiwei ki tnat treikam Sorkar ban ïakren bad ban buddien khnang ba kan ym don ka jingbret jaboh ha ki iew bad ki jaka bapher bapher shaneng ba don ka Dam.
You may also like
-
Shah kawang Petrol Bom ar jaka ha Mawbah, ingkhong ka Scooty
-
Ki Khana Shaphang ki Kynthei Nongrep ha jylla ki wan phai sha ki shnong lyngba ki dur bad ki phlim
-
Plie u Lat ia ka jingrakhe dap 100 snem ka Rilbong Sanatan Hindu Dharma Sabha
-
Khlad hashen u nongniah na ka jingtakhuh ki trok
-
Ka Meghalayan Age Pavilion ka rynsan pynisap ki trai jylla ba pyniasoh ka jingbei tyngka bad ki kam shangkai