Ka iingkashari hynne ka sngi ka la ai bor ia ki pulit ban tohkit sa 2 sngi ia ka Sonam Raghuvanshi bad ia u Raj Khushwaha halor ka jingsuba donkti pyniap ia u Raja Raghuvanshi ha Sohra.U nongiasaid aiñ ba mihkhmat ia ka sorkar jylla u T Chanda ula ong, ka iing kashari ka la rai ia ka Sonam Raghuvanshi bad uba ieid jong ka u Raj Khushwaha ban tohkit sa 2 sngi ha ki pulit. Katba ia ki 3 ngut kynthup u Akash Rajput, Vishal Singh Chauhan bad u Anand Kurmi la rai ban set 14 sngi ha ka Judicial Custody.
Kine baroh 5 ngut ki la shah kem halor ka jingsuba donkti pyniap ia u Raja Raghuvanshi u kurim jong ka Sonam Raghuvanshi ha ka 23 tarik u Jymmang ha Parking Lot ha Weisawdong, Sohra. Ia kitei 5 ngut la ialam sha iingkashari ban bishar, hadien ka jingtohkit ki pulit phra sngi ha ka sien banyngkong naduh ka 11 tarik u Jylliew.
Ha shwa ba ki Pulit kin ialam ia kine 5 ngut sha ka iingkashari, ki la ialam shwa sha Civil Hospital Shillong ban peit ia ka koit ka khiah jong ki bad na Civil Hospital la ialam biang sha Sadar Police Station bad ha ka por janmiet ki pulit ki la ialam ia kitei 5 ngut sha iingkashari ban tian bishar.
You may also like
-
Ha West Garo Hills bad ha Ri Bhoi, Meghalaya pynieng ïa ki jaka talasi mrad
-
Thung ka Iingbishar I’u ‘Special Officer’ ban peit nongdie madan ha Police Bazar
-
T.8 lak shah dain kuna ka Shakambari Ferro Alloys
-
Kam u Myntri ka jingpyntrei ia ka skhim bylla shispah sngi ka iaid beit ha Jylla
-
Kyntait u Myntri ban thung kynhun tohkit halor ka jinglut ban shna ia ka Ganol Power Project