Ka tnad Tourism bad Travel Management ryngkat ka tnad Music ka Martin Luther Christian University (MLCU) ki pynlong ka jingialang ba ar sngi ba la ai kyrteng “Ka jingiathuhkhana ha ka kam jngohkai pyrthei bad ka jingrwai: Ka jingpyniasoh ia ka kolshor, ka jingsngew bad ka jingtip lyngba ka theatre” ha ka 17–18 tarik u Jylliew ha MLCU Hall Nongrah.Ka jingthmu ba kongsan ka long ban kyntiew ïa ka sap ki samla pule ha ka jingïathuhkhana ryngkat ki buit ban pynroi ïa ka kolshor, ka jingstad bad ka jingïakren kiba long kongsan ha baroh ar ki kam jngohkai pyrthei bad ka jingrwai.
Ïa ka jingïalang la pynïaid da ka nongrwai ba pawnam ka kong Lapdiang Syiem, kaba la ïasam ïa ka khana tynrai ia ka pateng u Khasi. Lyngba ki kam ka la pynkmen ia ki khynnah skul ban wad bniah ia ka jinglong tynrai, ka jaka, kaba ai jingtip ruh shaphang ki tiar tynrai ryngkat ka jingstad ban pynwan dur ia ki khana.Ha ka prokram la iashim bynta kynthup ki samla pule semester ba ar na ka BTTM bad MA Music, kaba pynshlur bad ai mynsiem ban iatreilang hapdeng pule bapher bapher.
La pynkut ia kane ka workshop da ki jingshad ki samla pule bad ka jingpyni ia ka theatre kaba pynshongshit da ka kong Syiem halor ka Ka Nohkalikai ryngkat u ma Apkyrmen Tangsong halor ki tiar tem tynrai. Ka prokram ka la ktik mynsiem ia ki nongwan peitkai ban sah kymmaw. La pynkut ia ka jingïalang da ka ïathir bad ka jingrukom treikam da ki kti, ka jingïalang ka la ai mynsiem ïa ki samla pule ban pynwandur ïa ki khana bad ki nongsngap bad kumjuh ki nongpynïaid, ki nongtem ne ki nongïathuhkhana.