Kum ka jingpynshisha ïa ka jingangnud jong ka Jylla ban ai ka jingsumar kaba bha ia ki paidbah, ka Ganesh Das Government Maternal & Child Health Hospital (MCH) ha Shillong ka la ïoh ïa ka khusnam ‘Bronze Quality Certification’ na ka Quality Council of India (QCI). Kane ka jingai burom ia ka Ganesh Das ka long kum ka jingithuh ïa ka jingbud ryntih jong ka hospital ïa ki kyndon jong ka Ayushman Bharat Pradhan Mantri Jan Arogya Yojana (AB PM-JAY) Bronze Quality Standards.
Ka jingioh iaka khusnam ka pynskhem bad ka pyni ia ka mawjam kaba kongsan na ka bynta Hospital bad ka Meghalaya, kaba pynpaw ia ka jingkiew stet jong ka Jylla ha kaba kyntiew ia ka jingai jingsumar lyngba ki jingshakri kiba paka, kiba shngain, bad kiba pynshong nongrim ha ki nongpang. Ka jingithuh ka long ruh kum ka jingpynpaw ia ka jingaiti bad jingtbit ba khlem sangeh ba la pyni da ki nongtrei ka koit ka khiah ha katei ka hospital.
Ki ophisar na ka tnad ka Koit ka Khiah ki la ïaroh ïa ka Ganesh Das Hospital na ka bynta ka jingshimkhia jong ki ban pynneh pynsah ïa ki jingthew ha ka koit ka khiah jong ki longkmie bad ki khunlung, da kaba pynskhem biang ïa ki jingthmu ba kongsan jong ka koit ka khiah jong ka Meghalaya bad pynleit jingmut ha ki jingshakri kiba lah ban ïoh bad shaniah na ka bynta baroh ki nongshong shnong.
You may also like
-
Kam don jingmut ban ujor ia ki MLA katba ka UDP ka dang iatreilang ha ka MDA: Pala
-
Siat ki runar da ka jri ia ki Longkmie ba iaid pahara, pynrem ka Dorbar Shnong Mawkyrwat
-
Kyntait ka NPP ba leit Delhi 24 ngut ki MLA ban kynduh ia ki heh BJP.. lead
-
Ka jingleit iasoh BJP 8 ngut ki MLA UDP kam don jingma ia ka sorkar: Conrad
-
Ka jingleit iasoh BJP 8 ngut ki MLA UDP ka lah ban wanrah jingkylla ia ka sain hima ha Jylla