Kumba1,428 ngut ki nong India ki sahkut ka Iran na ka jingiakhun bad ka Isreal, na kine 311 ngut ki la wan poi hynne ka sngi sha India da kawei ka liengsuin bad la khmih lynti kawei pat ka liengsuiñ kan poi mynta ka miet ban kit ia ki briew sha India. Ka India pyntreikam da ka Operation Sindhu ban pynkynriah ia ki briew ba sakut ha Inran ka jingiakhun bad ka Isreal.
U nongaiktien ka tnat kam bar ri (MEA) u la ong ha ka post X, “Ka Operation Sindhu ka dang bteng haduh mynta bad 311 ngut ki nong India ki la poi sha New Delhi da ka liengsuiñ ba kyrpang na Mashhad ha ka por 4.30 baje ha ka 22 tarik u Rymphang.“Mynta la pynkynriah noh ïa ki 1428 ngut ki nong India na Iran.” Ha ka miet sngi Saitjaiñ, ka liengsuiñ ka la wan poi kaba la wanrah biang ïa ki 290 ngut ki nong India na Mashhad ha Iran.
Kawei ka liengsuiñ, la khmih lynti ba kan poi ha ka por 11.30 mynta ka miet, bad kan wanrah shuh shuh ïa ki nong India. Ka India, ka la pynlong ïa ka Operation Sindhu, na ka bynta ban pynkynriah noh ïa ki nong India, na Iran bad Israel na ka jingïakynad ba jur hapdeng kitei ki ar tylli ki ri.
You may also like
-
Ka Mawlong Nongtluh Weaving Center kan ai jingkyrshan ïa ki nongthaiñ jaiñ ka thain
-
Byrthen ïakhih ka KSU lada ym urlong ki 5 tylli ki mat jingdawa, kynthup ban pyndam ïa ka public hearing ka Shree Cement
-
Hukum ka Meghalaya HC ïa ka KHADC ban thung biang ïa u Ainam Manik kum u Syiem ba pura ka Hima Mylliem
-
Hapdeng ka jingiphuh kut ka shad Behdeiñkhlam ka Seiñraij Ialong
-
Hadien 2 bnai, ïaid biang ki kali harum Laitlyngkot, buh pulit ban shngaiñ ki paidbah