Iakynduh ka Nirmala Sitharaman ia u Lat ka Jylla

Ka Myntri ka Sorkar Pdeng ba bat ia ka Pla Tyngka ka Nirmala Sitharaman hynne ka sngi ka la iakynduh kyrpang ia u Lat ka jylla CH Vijayashankar kum shibynta jong ka jingwan jngoh ia ka jylla Meghalaya. Ka Myntri ka la iakren bad u Lat ka Jylla halor kiba bun ki mat khamtam ban pynleit jingmut na ka bynta ka ioh ka kot ka jylla Meghalaya, ka jingpynroi ia ki kompani bad ka bynta ban pynrung pisa ban pynkhlain ia ka sengkam sengjam na ka bynta ki paid nongshong shnong.

U Lat bad ka Myntri ka Sorkar Pdeng kila iakren ruh ha kaba iadei bad ki projek bad ki skhim jong ka Sorkar India kiba dang shaphrang ha ka jylla hapoh jongka Viksit Bharat @2047, kynthup ka jingialap ban pynsuk ia ka sengkam sengjam ha Jylla, ka jingai jinghikai ha ka MSME, bad pynkhlain ia ka rukom pyniaid kam jong ki kompani hapoh ka hain shatei lam mihngi. U Lat ula kren shaphang ka jingdon kyrhai ki lad ka jylla Meghalaya ban kiew ha ka liang ka kam jngohkai, ki karkhana marrep, ka thain jingthain bad ka roi ka par kaba neh bad iaroh ruh ia ka jingpyrshang ka Sorkar Pdeng ban wanrah ia ki policy kiba ai jingmyntoi ia ki jylla barit.

Nalor kane u Lat, ula pynpaw ruh ia ki jingeh ha kaba iadei bad ki lad pyniasoh, ki jingtei bapher bapher bad ka lad ka lynti ban iatreilang hapdeng ka sorkar jylla bad ka sorkar pdeng ban don ia ka rukom treikam kaba shai bad kaba don jingkitkhlieh.