Ka sorkar ka iakren tang ki Polisi ban ioh myntoi shimet: KSU

Ka Khasi Student Union (KSU) hynne ka sngi ka la kynmaw burom ia ka jingdap 190 snem ka jingkhlad noh u Tirot Sing da kaba buh syntiew ha u mot ba shirynieng uba ieng ha Madan Iewrynghep, Shillong. Ha kane ka sngi kynmaw burom ia ka sngi khlad u Tirot Sing la wan shim bynta da kiwei pat ki sengbhalang naduh ka NESO, FKJGP, HYDC, ka seng ki nongniah kali kamai taxi, ki riewpaidbah bad ki samla pule NEHU bad kiwei kiwei de.Haba kren ha kane ka sngi u president ka KSU u samla Lambokstarwell Marngar ula ong, ba ka dei ka kamram jong baroh ban leh eiei na ka bynta ka jingshngain ki trai ri bad ka Jylla.

Haba pynkynmaw ia ki kam bah u Tirot Sing, u samla Lambokstarwell u la ong “Ngim kotbor kat ka rynieng u Tirot Sing hynrei ka jingkylli ka mih, kum ki samla ka Jylla, kaei ngi lah ban leh ban im ka lawei ka Jylla.U president ka KSU ula ban jur ia ka jingdonkam ban wanrah ki ain ban iada ia ka Jylla na ka jingwan buhai shnong ki bar Jylla shapoh ka Jylla. “Ka Sorkar Jylla ka dei ban pynduna khap ribon sharum shaneng hynrei ka dei ban pynbun pat ia ki ain ban iada ia ki trai ri bad ia ka Jylla baroh kawei” u la ong.

U la ong ba man ka por ka Sorkar ka kwah eh ban iakren lynti Rel ym ba ka kwah ban pynduna ka dor jong ki mar mata kaba pynpaw ka kwah jingmyntoi shimet.”Kim (Sorkar) kwah ban iakren halor ki Polisi ban janai ka rukom thungkam, lane ki Polisi ban iada ia ki trai ri bad iaka Jylla hynrei ki kwah tang ban iakren ia ki Polisi ban ioh nong shimet” u la kynthoh.