U president ka Hynniewtrep Achik National Movement Eastern West Khasi Hills District u samla Artis Ryntathiang haba kren ha ka jingleit buh Syntiew ha u mutdur u Syiem Tirot Sing ha Nongkhlaw ula kyntu ïa ka sorkar khamtam ïa u myntri ba dei khmih ïa ka tnat kam jngohkai ka sorkar jylla u bah Paul Lyngdoh ba kin shimkhia ban pynjanai shuh shuh ïa ki jaka jngohkai kiba don ha ka Shnong Nongkhlaw ka shnong jong u Syiem Tirot Sing.
Ha kane ka sngi ka seng HANM ha ka jingïatreilang bad ka Hima Nongkhlaw, kum shi bynta jong ka jingrakhe ïa ka lyngkhuh sngi ïap ba 190 u Syiem Tirot Sing bad kum shibynta jong ka Jingrakhe ïa ka jingdap 500 snem ka Hima Nongkhlaw ka la pynlong ïa ka jingïakob ïa mareh thong ïa kaba la tip kum ka ‘3rd Syllad Naphang Marathon’.
Ha kane ka jingiakob ïa mareh na Kynshi sha Mairang ïa ka nam lahduh na ki shynrang la ïoh da u samla Wanbok L.Mawphlang, ïa ka kyrdan ba ar la ïoh da u samla Marshal Wanniang bad ïa ka nam balai la ïoh da u samla Wankyrmen L.Mawphlang. Shuh shuh na ka liang ki kynthei ïa ka nam lahduh la ïoh da ka samla Nerisa Nongrum katba ka Fornisha Mawlong bad ka Marsha Wanniang ki la wan ha ka kyrdan kaba ar bad ba lai.
You may also like
-
Kem ki pulit Mawkyrwat ia u runar na Gujarat ba ‘Blackmail’ ia ka samla haduh ban pyniap ia lade
-
Ka jingialang ki ‘Scouts & Guides’ban kyntiew ka jingiatreilang ha ka imlang sahlang
-
Yn pyntreikam ia ka ICCC ha jylla kum ha Telangana: Conrad
-
Hadien ka jingtwa surok Laitlyngkot Bthah u ADC ban iaid noh na surok Laitlyngkot-Umthli-Laitkynsew
-
Ka Jylla kan leit iakren bad ka sorkar Pdeng ban pynjynsur ia ka Mining Lease ban tih dewiong