Ïoh jamin ki sister ba shah kem ha Chattisgarh

Arngut ki sister jong ka Balang Catholic kiba la shah kem ha ka 26 tarik Naitung, ki la ioh jamin noh hynne ka sngi Saitjain hadien ba ka Iing bishar ba kyrpang jong ka NIA ha Chattisgarh ka la mynjur ban pyllait jamin noh ia ki. Kine ki arngut ki sister jong ka Balang Catholic na Kerela kiba la tip kyrteng kum ka sister Vandana Francis bad ka Sister Preety Mary kidei kiba trei ha Fatima Hospital Agra, ki la shah kem ha ki pulit Chhatiisgarh ha ka 26 tarik Naitung ha Durga Railway Station halor ka jingkynnnoh ba ki pynkylla niam jubor bad ki khaii briew.

Kane ka jingioh jamin ki sister ka long hadien ba ki la mih ki jingdawa na kiba bun ki liang kynthup na ki nongialam seng sain pyrthei ka ri bad na kumjuh na ki nongialam jong ka jylla Meghalaya. Na ka nongialam ka CPM ka Brinda Karat, ka la ong ba ka jingioh jamin jong ki sister mynta ka sngi, kadei ka jingjop ia ki paidbah kiba iakhun ban ioh ia ka jingbishar hok. Ha kajuh ka por, ka la dawa ba ki bor ka ain kidei ban pynshitom ia ki nongialam ka Bajrangdal bad ka Hindu Vahini halor ka jingkynnoh ba lamler pyrshah ia kine ki arngut ki sister.

Kum ban shu kdew ba ka Catholic Bishop Conference of India ha kine ki sngi, kala phah ia ka shithi jingkyrpad sha u Myntri Rangbahduh ka ri u Narendra Modi bad sha u Myntri ka tnad Kam Pohiing ka ri u Amit Shah ba tuklar halor kane.