Ka sorkar Meghalaya ka la bthah ia ka NHICL ba ka dei ban buh ia ki jingker sainar shiah ha shi lynter ka surok Shillong-Dawki hadien ba la jia ka jingjia aksiden kaba shyrkhei ha Khasi Hills district ha kaba 5 ngut ki briew ki la iap. U Deputy Chief Minister u Bah Prestone Tynsong u la pynmih ia ki jingbthah ban buh ia ki sainar hadien ba la bishar bniah ia ka jingshngain ha surok ha katei ka thain, da kaba ong ba ka daw jong katei ka jingjia ka dang don ha ka jingtohkit. U la pynpaw ba la bthah ruh ïa u chief engineer jong ka PWD ban peit bniah ïa ki jaka kiba lah ban jia ki jingjia aksiden bad ban pynthikna ba la buh ïa ki dak jingmaham ha ka rukom kaba dei. U Bah Tynsong, u MLA ka thain, u la iakynduh ia ki nongmihkhmat jong ka NHIDCL bad ka kompeni shna surok kaba shna ia katei ka surok ha ka sngi Nyngkong. U deputy CM u la pynpaw ba ïa ka daw jong kane ka jingjia ym pat lah ban tip, hynrei u la pynpaw ba dang shim ïa ki lad ki lynti ban ïada na ki jingjia kiba kum kine ha ki por ban wan.
You may also like
-
Shi taïew ai por ka KSU ïa ka tnat Urban Affairs, pynap da ka jingïakhih ba tyngeh
-
Meghalaya CEO Ym Don Ban Pynduh Kyrteng Nongthep Vote Khlem Ka Jingjurip; 6.51 Lakh Ki Kyrteng Kiba Shah Khot Kyrteng Ha Ka SIR
-
Palat 20 hajar ioh jinghikai ki samla halor ka ‘Cybercrime & Cyber Safety’ ia ki jingma na ki kam thok Online
-
Nang heh ka Iew Nongrep, phuh mat ki nongdie ma rep
-
Iaid Pilgrim ki riewngeit Hindu na Shillong sha krem Mawjymbuin