Ka Deputy Commissioner (DC) East Khasi Hills kaba dei ruh chairperson jong ka district disaster management authority (DDMA) kala kyntu ia ki paidbah ba kin kiar na baroh ki jingleit jingwan ki bym donkam ban leit sha ki thain Pynursla bad ki jaka ba marjan ha ka por lyiur kaba la wanrah ia ka jingma kaba lah ban jia na ka jinghap slap kaba jur ka ba lah ruh ban ialam shaka jing aksident kali bad ka jingtwa khyndew kaba man ka por khamtam ha shilynter ka surok Shillong-Pynursla.
Ia kane ka jingkyntu la pynmih hadien ka jingjia ba sngewsih kaba dang shen kaba 5 ngut ki briew kila khlad namar ka jinghap ka kali ha riat Rngain.La kyntu ruh ia ki paidbah ba kin kiar ban leit ki jaka jong ka thain khlem da donkam eh, lada donkam shisha ban leit, ki paidbah kidei ban leit da kaba husiar bad daka jingtip khamtam halor ka jinglong jingman ka suinbneng.
La kyrpad ïa ki paidbah ba kin bud ryntih ïa ki jingbthah leit jingleit bad ki jingmaham ba la pynmih da SDO (C) Pynursla and DDMA, East Khasi Hills bad ban phone ha u number 112 lada jia ba donkam jingiarap kyrkieh.
You may also like
-
Ka jingphet seng bad jingshah thied kinongïalam ki dawbah jingtlot ka Congress
-
Ka pateng mynta ka dei ban pynneh ia ka jingstad ba la ai ki kpa tymmen: Kong Deity Majaw
-
Palat sanspah ki dieng la pom, ka Project Shillong Ropeway kan iaid shakhmat
-
Kurup drok heroin ba T.7 lak ki pulit na 2 ngut samla
-
Ngi tip la ka bor ka buit ha ka saiñ pyrthei, kyrmen ngin poi sha ka jingjop:Prof. Batskhem