Sdang ka jingtih dewiong juk saian ha Saryngkham bad Pyndengshahlang ha Jylla

Ka Tnad kam dewiong lyngba ki sienjam ba iai bteng jong ka, ka la plié lad ban sdang ia ka jingtih dewiong da ka jingstad saian ha Jylla Meghalaya. Kane ka dei ka dak jong ka sienjam kaba kongsan ban wanrah ia ki rukom tih dewiong kiba la pynbeit ryntih bad kiba lah ban pynneh pynsah ia ka mariang sha ka thain shatei lammihngi jong ka India.

Namar kine ki sienjam, ar tylli ki block dewiong ha Meghalaya ki la sdang ban pynmih dewiong hadien ba ki la ioh ia ki jingmynjur kiba donkam. Ki jingtip ba bniah shaphang ki par dewiong kiba treikam ki long ka Saryngkham A Coal Block, East Jaintia Hills District, Meghalaya kaba la ioh jingbit ha ka 10 tarik Lber, 2025 bad ka Pyndengshahlang Coal Block, West Khasi Hills District, Meghalaya kaba la ioh jingbit ha ka 2 tarik Jymmang 2025. Kane ka mawjam ka pynpaw ia ka jingkut jingmut jong ka Tnad ban kyntiew ia ki rukom tih mar poh khyndew kiba long katkum ka ain, kiba shngain, bad kiba ia dei bad ka saian katba ka nang kyntiew ia ka jingnoh synniang jong ka thain shatei lammihngi sha ka jingpynbiang ia ka bor ding ba ka ri ka donkam.

Ka Tnad Kam Dewiong ka khmih lynti ia ka jingiatreilang jong baroh ki Sorkar Jylla ha kaba kyntiew ia ka jingtih dewiong da ka jingstad saian bad ban pynbeit ia ka jingshalan dewiong ha kylleng ka thain. Kum kine ki jingiatreilang kin don ka bynta kaba kongsan ha kaba pynthikna ia ka jingpynbiang ia ka bor ding bad ban kyntiew ia ka roi ka par bad ka jingplie lad ia ka ka ioh ka kot ha ki jylla jong ka thain shatei lammihngi.