Ka khubor ka iathuh ba ka Tracy A Sangma ka la ujor ejahar pyrshah ia ar ngut ki briew ba ithuh kyrteng ka Martin A Sangma bad ka Biniana M Sangma bad kynnoh ba ki la pyndonkam thok ia ki kot ki sla bad jingsoi jong ka ha ka por ki apply baibam ne scholarship na ka bynta jong ka ha u snem 2014.
La kynnoh lyngba kitei ki kot ki ka pyndonkam thok ban shim ram kali T.4.88 lak na Meghalaya Rural Bank, Ringre Branch, Tura, West Garo Hills. Hynrei haba iakren ia katei ka kam ka Biniana M Sangma, ka la pynthikna ban shim ia ki jingkitkhlieh baroh. Hynrei katba lyngngoh ha ka 20tarik Kyllalyngkot 2020, ka Tracy Sangma ka la ïoh ïa ka jingpyntip na ka Bank namar ba kam pat siew ka pisa ba sah kaba long T.6,12,326/-. Halor kane ka la ujor ejahar ia kaba la weng noh hadien ba ka Biniana Sangma ka la kular ban siew ia katei ka ram.
Shuh shuh la iathuh ha ka 13 tarik u Lber 2024, ka Tracy ka la shah khot hajir na ka tnad khlaw, East Garo Hills District, ha kaba ïadei bad ka jingïoh kurup ïa kawei ka kali ba don u nombar ML-08D-5840 bad kynnoh ba ka kit dieng sawdong beaiñ bad ha ka 18 tarik u Kyllalyngkot 2025, ka la ioh pdiang ïa kawei pat ka jingpyntip na ka Bank ki jingsiew ba dang sah ki long T.9,15,423/-, kaba pynpaw ba kiei ki briew kim shym la siew ia ka ram.
You may also like
-
Shimkhia ka Sorkar Meghalaya-Assam halor ka jingïakynad ha Lapangap
-
Iaid iaid paidbah ka JSU, JNC ban pyrshah Public Hearing ka Shree Cement
-
Ha ka jingtohkit lap ksai ki pulit ba don ki briew ba shoh ia u Trophimos
-
Ai jingmut ka FKJGP ban khang 4 sngi, plie 3 sngi ia ka surok Shillong-Pynursla-Dawki
-
Rah ka Mawlai Presbyterian ha ka ïakob rwai tynrai bad u Reward ha ka iakob iathuh khana puriskam