Ha ka step phyrngap sngi U Blei 31 tarik u Nailar 2025 ha ka por 3 baje mynstep kawei ka maruti van kaba don ïa u Registration Number ML 05 V 9756 kaba la pynieng hakhmat ka Tirot Singh Memorial Hall Pyndengumïong,Mairang ka la kem ding bad julor lut.
Ïa ka jingkem ding jong kane ka kali ba dei jong ubah Rajes Sun na ka shnong Demdngiem la ïohi da ki arngut ki briew ba thiah miet hapoh kawei ka kali ha parking lot kaba don hakhmat jong ka Hall. Kine ki briew kiba la ïohi ïa ka jingklang jong ka ding ki la pyntip sha ki nongïalam ka shnong Pyndengumïong Mairang bad ki nongïalam shnong ki la pyntip noh sha ka Fire Service.
Ka tyllong khubor na ki nongïalam shnong ka ïathuh ba kawei ka kali ba don ïa u registration number ML 05 P 7633 kaba ïeng hajan jong kane ka maruti van ka la iing malu mala na bumper bad ka Headlight. Haduh ba thoh ia kane khubor ym pat lah ban tip ïa ka daw ka jingpluh katei ka kali Maruti Van, la ka dei ka jingthud ka kali ne don ba thang dusmon.
You may also like
-
Lap i’u rangbah ba sdien phasi ha dukan, suba kiba haiing ba shah pyniap
-
Ka Sorkar ba ialam ka NPP kam ju pyndonkam bakla ka bor pyrshah ia ki paidbah
-
T.400 klur na bynta ban pyntrei ia 53 tylli ki project ha Garo Hills
-
Ka MSFC kan pynthikna ban ym don uwei ruh ban iap thngan: DP Walang
-
Sdang ka DREAM na Shillong ban lum jingkhein ia ka jingdon nongdih drok