Ka All Khasi Hills Tourist Taxi Association (AKMTTA) hynne ka sngi ka la pynbna ban iakhih da kaba sangeh kit ia ki nongshangkai pyrthei (Tourist) naduh 16 tarik Nailur 2025. Kane ka jingiakhih kan long ba ki kali tourist jong ka Jylla kin sangeh ban kamai sha kylleng ki jaka jngohkai pyrthei (Tourist Spot) kiba don hapoh ka Jylla. Kane ka jingsangeh kamai kan sdang naduh 16 tarik Nailur bad kan iai bteng tad haduh baka Sorkar Jylla kan khot iakren iaka Association.
Ia kane ka rai la shim haka jingialang jong ka Association haka jingdonlang baroh ki trai bad nongniah kali kamai tourist jong ka Jylla. Haba kren shaki lad pathai khubor u President ka AKMTTA u Bah Recaldinus Dohling ula iathuh ba watla ka Association kala rai ban sangeh kamai hynrei ki kali pat kin iai bteng ban kamai na Shillong sha Guwahati.
U Bah Recaldinus ula iathuh ba ia kane ka rai la shim namar ka sngi baka Association kala airpor iaka Sorkar ban khot iakren kala kut. “Ka jingiakhih kan dei beit tang ban sangeh kamai shaki jaka shangkai pyrthei (Tourist Spot) tad haduh baka Sorkar Jylla kan khot iakren ia ngi” la ong u Bah Recaldinus.
You may also like
-
Ka jingrakhe lyngkhuh 139 snem ka Balang Unitarian ka long ban pynthymmai ia ka jingngeit
-
Ka AMMRPWU kam don bynta shuh bad ka JAC: Bah Nazarius K Lanong
-
Shah kawang Petrol bom ka Lumdiengjri PS, julor ka kali DHS ba kem ding
-
Iakynduh ka kynhun ki Nongthoh khubor na UP ia u Lat ka Meghalaya
-
Noh synniang ka APSTA da ka ‘Charity Home’ ha rakhe sngi iap u Thomas Jones