U Symbud Myntri Rangbah ka Jylla uba khmih ia ka tnat kam pohiing (Police) u Bah Prestone Tynsong u la ai ka jingiaroh ia ki sengbapher bapher kiba leit ban khynra ia ki kot ki sla jong ki bar Jylla kiba wan trei shapoh Meghalaya. Haba kren sha ki lad pathai khubor u Bah Prestone ula ban jur ruh ba ki sengbhalang haba ki khynra kot ki dei ban ruh pyntikna ba kan ym don satia kano kano ka jingbyrngem ne pyntieng pat ia ki bar Jylla.
“Hynrei lada ki (Sengbhalang) ki leit ban khynra ia ki kot ki sla jong ki bar Jylla ha ryngkat ka jingbyrngem lane lada ki shim iaka ain ha kti, ka ain hi kan leh iaka ba donkam” la ong u Bah Prestone. Ha kajuh ka por u Symbud Myntri Rangbah u la ong ruh ba u sngewtynnad lada ki seng bad ki kynhun ki leit ban khynra namar kane kan pynlong ia kito ki nongbylla kiba wan na kiwei ki jylla ba kin pynbiang ia ki kot ki sla lada kim pat don.
Ula ong ba u ju ïohi ia ki seng ba ki leit ban khynra na ka por sha ka por bad ki da bthah ruh ia kito ki bym don ba ki dei ban pynbiang noh kham kloi.
You may also like
-
Buh thong ka Sorkar ban wanrah Film City ha Meghalaya
-
Pynlong ka CBC ia ka jingialang iamir jingmut halor ka jingkhuid bad ki jingbam tei met
-
Dang bishar ia ka jingdawa thung kynhun tohkit halor ka jingiakynad ha Garo: Conrad
-
Ka jingkhang ia ki Haat khappud ka ktah ia ka kamai ki paidbah ha khappud India-Bangla
-
Iathir ki heh shipai Assam Rifles ban pynkhlain bad pyntbit ia ki shipai