Pynkup burom u MR ia 8 ngut ki nongthoh khubor ka jylla

U Myntri Rangbah ka jylla u Conrad K Sangma, hynne ka sngi ula pynkup burom da kaba ai ia ka song tyngka sha ki 8 ngut ki nongthoh khubor ka jylla kaba mar T.1 Lak. Ia kine ki niongthoh khubor la pynkup burom ha ka Media Meet ka baar kaba la pynlong da ka Department of Information & Public Relations (DIPR), kaba la long ha Courtyard by Marriott, Shillong ha kaba la iadonlang ka myntri kaba khmih ia ka Information & Public Relations ka Kong Ampareen Lyngdoh kum ka symbud Kongsan, u Chief Secretary ka jylla u Bah DP Wahlang, u Dr. Sampath Kumar, IAS, Development Commissioner and Principal Secretary, ki heh ophisar sorkar, ki nongthoh khubor bad kiwei kiwei. Haba kren ha ka jingialang, u Myntri Rangbah ka jyklla u Conrad K. Sangma, ula ong ba ki lad pathai khubor ki don ia ka bynta kaba khraw ha ka imlan g sahlang.

“Ki lad pathai khubor ki bat bha ia ka bor” ula ong bad “ki nongpathai khubor kidei beit ban ithuh ia ka jingkitkhlieh kaba wan ryngkat bad ki”. Ula pynpaw ia ka jingsngewnguh ia ki nongpathai khubor kiba la trei met bad mysniem, khamtam ha kaban iaroh ia kito kiba la pynlut ia por ha ka jingim kaj ong ki ban pathai hok ia ki khubor. “Ngi don hangne ban pyndon burom ia ka jingtrei ka jong phi” ula ong bad ka kubur ia ka jingeh kaba mad da ki nongpathai khubor ha ka jingiaid lynti ban ieng ha ka jingshisha. Ula pynshai ruh halor kaj ingkular ka sorkar ban kyrshan ia ki nongpathai khubor lyngba ka welfare schemes bad ban ai ia ka jingkyrshan kaba man la ka bnai kaba T.10,000 sha ki nongpathai khubor kiba la noh ha ka rta hapoh jongka Meghalaya Journalists Welfare Scheme,2024. Nalor kane la tyrwa ruh ban ai jingiarap pisa kaba kot haduh T.35 lak. U Conrad Sangma ula kyntu ia ki lad pathai khubor ba kidei ban rejistar bad ka

Department of Information and Public Relations (DIPR) bad ula pynpaw ba kadei ban pynlong ia ki jingai jinghikai pyntbit ia ki nongpathai khubor khnang ba kin nang tbit shuh shuh ha ki kam pathai khubor bad kam thoh khubor da kaba pynleit jingmut ruh ha kaba iadei bad ka jingpyndonkam ia ki kor teknoloji bad ka Artificial Intelligence khnang ba kin lah ban kiew shaphrang ha ka kam. Ha kane ka Media Meet halor ka mat ‘From Print to Pixel: Navigating trust, technology, consumption & accountability’, la pynlong ia ki workshops halor ki mat bapher bapher ia kaba la ioh ia ka jingkren kyrpang na ki riewshemphang na ka kylleng ki bynta jong ka ri kiba kynthup ia ka BBC South Asia Bureau Chief ka Jacky Martens, ka Editor jongka Shillong Times ka Kong Patricia Mukhim; u Ahmer Khan UNICEF India’s Chief of Communication, Zafrin Chowdhury, Dr. Madhulika Jonathan, Chief of Field Office, UNICEF Assam & NE States bad kiwei kiwei.