U Bah PT Sawkmie, MLA barim ula ong ka por ka la dei ia ka Sorkar National Democratic Alliance (NDA) ha Delhi kan kyntiew noh ia ka jingbun ki Minister na ka 20% sha ka 30%.
“Kane ka jingmyntoi kan iarap ia baroh ki jylla jong ka ri India baroh kawei bad lada ka jingbujli minister ka don ka jingeh ia ki Chief Minister, iano yn ai, iano yn pynduh, kumba ka dang shu jia ha ka jingkylliang minister ha ka jylla jong ngi, kiba ioh ki kmen bad kiba shah pynduh ki sngewsih,” ong u bah Sawkmie.
U la bynrap, “Lada ka sorkar India ka kyntiew sha ka 30% ki minister ha ka jylla Meghalaya na ki 12 ngut kan poi sha ka 18 ngut bad ka roi ka par kan kiew ha ka jylla baroh kawei.” U ong ruh, ka jingduna ki minister, tang 20% ka ktah ia ki jylla North East baroh, kumjuh ia ka ri baroh kawei, ka por ka la poi ba ki chief minister ka North East baroh kawei ban iatylli lang kawei. Kaba donkam ka long ban wanrah ia ka Ammendment hapoh parliament, lada ki state ne jylla baroh ki ia mynjur lang ha ka sorkar NDA , yn ym don jingeh lada ki paralok kiba don lang ki ia ai jingmut.”
You may also like
-
Ka Assam Rifles ka wanrah ia ki tiar iakhun katkum ka juk mynta
-
Tang hadien 2 bnai mih thliew ka surokbah, 20 sngi ai por ka JSU ban maramot
-
Mynjur u Lat I’a Amendment Rule GHADC, ki bym dei riewlum kim ioh iakhun ilekshon MDC
-
Iakynduh ki Sengbhalang na Garo ia u Lat, kyntu pynkylla kyndon ilekshon ki kyrtong bad nongthep vote ki dei ban don ST
-
10 sngi ai por ban jurip ka tnad Tnat Urban bad DS Laitumkhrah