Pynlong ka Ophis National Statistics, Shillong ia ka ‘Hindi Fortnight’

La rakhe ïa ka Hindi Fortnight naduh ka 14 tarik Nailur haduh ka 29 tarik Nailur 2025 ha ka ophis jong ka National Statistics (Field Operations Division), Regional Office, Shillong. Ha kine ki ar taiew la pynpaw ia ka jingdonkam jong ka ktien Hindi ha ki kam sorkar bad la pynlong katto katne ki prokram kata ka jingiakop thoh essay da ka ktien Hindi, jingpule ia ka ktien Hindi, ka jingtype ia ka ktien Hindi, Noting bad Drafting, bad kiwei kiwei. Khnang ban plie lad ia ki ophisar bad ki nongtrei ban trei ia ki kam ha ka ktien Hindi.

Ïa ka jingïalang pynkut ïa ka Hindi Fortnight la pynlong ha ka sngi Nyngkong (29 tarik Nailur 2025) ha conference hall jong ka Ophis National Statistics (Field Operations Division), Regional Office Shillong da u Orenthung Patton (Deputy Director). Haba ai jingkren jingkren ha ka jingïalang ula pynpaw ba ka Ophis National Statistics ka trei shitom ban lum ïa ki jingtip kiba ïarap shibun ha kaba thaw ïa ki polisi kiba pynshong nongrim ha ki nongshong shnong da ki Sorkar Pdeng bad Sorkar Jylla.

Ha kane ka sngi u Deputy Director NSO (FOD), Regional Office Shillong u la pynshai ia ki nongiashim bynta, halor ka jingpyndonkam ia ka ktien Hindi ha ki kam jong ki. Ha kane ka sngi la pynlong ia ka jingiakop kylli jingkylli bad la ai khusnam ia ki nongjop ha kane ka jingiakop. La pynkut ia ka prokram da ki jingkren ai khublei na u Dr. Prabhata Das, Assistant Director, National Statistics Office (Field Operations Division), Regional Office, Shillong.