Ka kynhun ba la tip kum ka Hala Tynrai Eco Tourism Co Operative Society Ltd Nongstoiñ ryngkat ka jingïasnoh ktilang bad ka Tourism Office na Nongstoiñ ki la ïoh ban rakhe ïa ka World Tourism Day haduh 4 sngi kynthih naduh ka 27 tarik u Nailur 2025 haduh ka 1 tarik u Risaw 2025.
Ha katei ka sngi rakhe la don ruh ki program bapher bapher kynthup naduh ka Football, ka jingïakop siat Khnam, ka jingïakop shondur, ka jingïaid kjat (Treking) ïa kaba la sdang naduh na Weinia Sangriang bad la pynkut pat haduh ka Kshaid kaba kyrteng ka La – Langchong Falls.Ha katei ka jingïalang u bah Marck Diengdoh Tourist Officer Nongstoiñ West Khasi Hills District u la long kum u kongsan ryngkat ka jingïadonlang ki nonglam khmat na ka kur Ïawren bad Ïawlar, u bah Overshiland Sangriang Sordar shnong ka Sangriang bad kiwei kiwei.
Ha katei ka Programe kumba 200 ngut ki khun samla jong ka thaiñ ki la wan ban ïashim bynta shitrhem wat hapdeng ka jingpynthud jong u Slap, hynrei ha katei ka sngi ïa katei ka Programe ym shym la lah ban pyndep lut kumta ki la hap ban bteng biang ban pynkut noh pat mynta ka sngi hapoh ka jingïalam u bah Banteiborlang Marweiñ shongknor ka Hala Tynrai Eco Tourism Co operative Society Ltd Nongstoiñ kum u nonglam khmat ïa katei ka kynhun baroh kawei.
You may also like
-
Kynduh ka ka FKJGP ïa u SDO ba sniew palat ka surok Baridua-Killing
-
Ka AI Job Fair ka thong ban wanrah jingkylla ia ka Meghalaya sha ka ‘AI Valley’
-
Ka MeghGo App kan iarap ia ki nongniah kali bad ki paidbah nongleit nongwan
-
Hiar kynsan ka Helikoptar ha Kongripa, ioh shon dur ei ki longkmie bad Pilot
-
Ha kajuh ka jaka lah ban rep bun ki jingthung, kamai T.8 lak u nongrep jhur ha Garo Hills
