Ki pulit ka Ri Bhoi District, hapoh ka jingialam u Senior Superintendent of Police Vivekanand Singh Rathore ki la ialam ia u runar donkti leh beijot bad pyniap ia ka khynnah 13 snem ha kawei ka shnong ha Ri Bhoi District.Ka jingialam sha ka jaka ba u runar ba la tip kyrteng kum u Iainehskhem Kharsati (22) sha ka jaka ba u leh ia katei ka kam runar ka long ban tohkit hadien ba la kem bad ul phla ruh ba la donkti ban pyniap ia katei ka heprit.
Nalor u SP, la ia donlang ruh ban tohkit ha ka jaka ba la kynnoh ba une u runar u leh ia ka kam bymman da u Additional SP Incharge Crime u Bah Orville Masar, u Bah Suresh Barely, Incharge ka Umiam PS, Bah S. Pakyntein Incharge ka Khapmara PIC bad ki officer Forensic Crime Scene Unit.
Ha kane ka jinghiar biang ban tohkit sha ka jaka ba une u runar la leh ia ka kam bymman, ki pulit ki la kylli bniah ia katei ka kam runar kaba ula leh bad phla hok ia kaei ba la jia ha ka 9 tarik Risaw tad haduh ban da pyniap syndon ia ka heprit.Na ka liang ki pulit ka Ri Bhoi District lyngba u SP, VS Rathore ula pyntikna ba ka jingtohkit yn pynkloi katba lah khnang ba kiba haiing kin ioh ia ka jingbishar hok halor katei ka jingjia.
You may also like
-
Noh synniang ka APSTA da ka ‘Charity Home’ ha rakhe sngi iap u Thomas Jones
-
Balei phim rung BJP ban ioh plie dewiong, ong u Amit Shah ia ki MLA UDP
-
“Ngeit ha lade bad wat kynran dien” kyntu u Dr. Shakil ia ki samla
-
Kan long kaba sngewsih lada ka UDP ka khyllem noh kum ka Party riewlum: Paul
-
Pynlong ka ophis u DSO Nongpoh ïa ka 2nd CMYEP ha Bhoirymbong Block