U Executive Member (EM) ba khmih ia ka tnat Council Assets u Bah Pynkhrawboklin Kharjahrin ula pyntip ba shen yn plie noh ia ka Mawsynram Market Complex. Ia kane u Bah Pynkhrawboklin ula pyntip haba jubab ia ka jingkylli ba la wanrah da u MDC ka Mawsynram u Bah Alvin Sawkmie. U Bah Pynkhrawboklin ula iathuh ruh ba ia ka Mawsynram Market Complex la bei tyngka da ka District Council.
Ha shuwa kane u MDC ka Mawsynram ula buh jingkylli la ka District Council kan mang tyngka biang ne em ban pynbha shuh shuh ia ka Market Complex namar wat la ia ka Project la dep ban trei mynta la shi snem tam hynrei haduh mynta ka Council kam pat lah ban plie ia ka. U EM haba jubab ula ong “Na ka liang u Contractor ba pyntrei ia ka Mawsynram Market Complex um pat ai ia ka shithi ban pynkhamti sha ka District Council ia ka Market Complex bad na ka liang ka District Council ruh haduh mynta kam pat pyllait ia ka pisa kumba T.7 lak sha u Contractor”.
“Haduh mynta ka Executive Committee (EC) kam pat shim ia kano kano ka rai ban mang tyngka biang ban pynbha bad pynitynnad ia ka Mawsynram Market Complex” ula ong.
You may also like
-
U Tirot Sing ula shimti ia ka khet Syiem Hima Nongkhlaw naduh dang 10 snem
-
Pyntian smai u Sadon Blah ia ki nongkitkam ka HYNF Northern Region, u Robinson kum u President bathymmai
-
Pynpra ki longkmie ki jingker bad tala ba khang lynti ki briew na Assam ha Maikhuli
-
Plie u Bah Sanbor Shullai ia u Mot Tirot Sing ha Lumshatsngi Laban
-
Ka jingleit iasoh BJP 8 ngut ki MLA UDP ka lah ban wanrah jingkylla ia ka sain hima ha Jylla