Noh synniang ka JNC Khliehriat Circle sha ka Children’s Home Girls

Ka Jaiñtia National Council Khliehriat Circle kum shi bynta jong ka jingrakhe dap 7 snem jong k aka la nohsynniang da ki blanket sha ka Children’s Home Girls kaba don ha Khliehriat West, kaba peit da ka Child Welfare Committee na Khliehriat. Ia kane ka kynhun jong ka JNC Khliehriat Circle la ialam da u President u bah Shanborlang Bamon ha ka jingdon ryngkat bad u General Secretary u bah Symboh Baiar Sumer JNC – KC bad kiwei kiwei. La sdang ia ka prokram ha kane ka sngi da ka jingbuh jingduwai ba la duwai da u Assistance Secretary u bah Defendcy Siangshai.

Na ka liang u President Shanborlang Bamon u la ai ki kyntien sneng kyntien kyntu ia ki khynnah kiba don haduh 23 ngut ba kin long kiba don akor don burom bad ki ban trei minot trei shitom ha ki jingpule ka jong ki. U la ong ruh ba kim dei ban duh jingkyrmen, ki dei ban trei shitom bad ka jingtrei shitom jong ki kan wanrah ia u soh ka jingkmen bad ba thiang ha ka jingim jong ki.Ha kajuh ka por u la kitbok ia kitei ki khynnah kiba u la ong ki long kum ki para ki pyrsa ki jong u ba kin lait na kano kano ka jingpang jingshitom bad ba kin don ia ka met kaba koit kaba khiah.

La ioh ruh ia ka jingkren na u General Secretary u bah Symboh Baiar Sumer bad na u Working President bah Diamond Bareh, ha kaba u la kitbok ruh ia ki nong pyniaid ia katei ka Children’s Home Girls ba kin dang lah ban pyndap pynbiang ia kitei ki hep ki barit.