Ha u Nohprah yn pyndep ia ka surok 4 Lane na Umshyrpi sha Upper Shillong

Ka National Highway and Infrastructure Devlopment Corporation Ltd (NHIDCL) kala kular sha ka Sorkar Meghalaya ba hapoh u bnai Nohprah, 2025 kan pyndep noh ia ka surok 4 lane na Jingkieng Umshyrpi shaduh Upper Shillong. Ia kane ka NHIDCL ka la ai ruh da ka jingthoh ban pynthikna ba kane pyndep ia kane ka project surok 4 lane hapoh u bnai Nohprah, 2025. U Symbud Myntri Rangbah ba peit ia ka tnat PWD (Roads) u Bah Prestone Tynsong ula pyntip dang shen ula lum jingialang bad ki Ophisar ka NHIDCL na bynta ka Project Shillong-Dawki khamtam ia ka surok 4 lane na Jingkieng Umshyrpi shaduh Upper Shillong.

U Bah Prestone ula ong, ka Company ba pyntrei ia ka surok 4 lane ka la shimkhia ban pyndep kloi namar ka thain Upper Shillong ka la shah ktah jur na ka jingdheng kali na ka por shaka por. “Haka jingialang ka NHIDCL kala ai ruh daka jingthoh ban pynthikna ba kan pyndep noh iaka surok 4 lane na Jingkieng Umshyrpi shaduh Upper Shillong” la ong u Bah Prestone. Lah ban kdew ba naka liang ki bor District ruh kila pynbna ban khang iaka surok na Rhododendron Trek Road bad Gorkha School ka ban mih sha Upper Shillong naduh ka miet 8 tarik haduh mynstep 9 tarik Naiwieng.

Kane ka jingkhang iaka surok kadei namar ba ka Company ba shna iaka surok 4 lane na Jingkieng Umshyrpi shaduh Upper Shillong, kan pom ia bynta jong u lum ba don ha kane ka surok.