Pynlong ka BC Jindal Group’s Jindal (India) Limited ia ka ‘Milaap’ ka jingiakynduh lang ki nongdie ha Shillong ban nang pynkhlain ia ka jingdon jong ka ha ka thain

Ka Jindal (India) Limited, kaba long ka shnat jong ka B.C. Jindal Group bad kawei na ki karkhana ba paw bha ha ka ban shna ia ki tiar steel ha India, da kaba jop ka la lah ban pynlong iak a “Milaap” kaba long ka jingiakyduh lang jong baroh ki nongdie ia ki mar steel ha Shillong, Meghalaya. Kane ka lympung jingialang ka la wanrah ia ki heh jong ka kompany bad ka long kum ka rynsan ban pyniasoh bad ioh ka jingiakynduh ia ki nongdie kiba don ha ka thain. Ia kane ka lympung jingialang la lah ban pynlong da ka jingiatreilang bad ka Power Roofings, ha kaba la wan ban iashim bynta da palat 90 ngut ki nongdie ne ki retailerKum shi bynta jong ka jingbteng ban phai khmat ban pynpoi bad pyniar ia ka iew, ka Jindal (India) Limited ka la pynlong ia kum kine ki lympung jingialang ban pynkhlain ia ka jingdon jong ka ha bun ki thain ha India. Ha kane ka lympung iakynduh lang jong ki nongdie ha Shillong, ka Jindal (India) ka la pyni ia shibun ki mar ki mata bad ki tiar ki tar kiba la sop da ka steel kaba la shna bha, bad man la kawei pa kawei kane ka tiar la shna ba kan pynbiang katkum ka jingdonkam jong ki jait karkhana da kaba ban jur ha ka jingtreikam bad ka jingneh slem.  Napdeng ki katto katne ki jingpyni kadei ka Jindal Sabrang, ka jingtyrwa kaba katkum ki buit stad mynta na ka Jindal (India) Limited kaban nang kham pyni tynnad shuh shuh ia ka steel da kaba la airong airup ha ki rong bapher bapher, ia kaba la shna khnang ban iada na ka jingbam sarang haba buh shabar. Ia kine ki nongdie la batai ruh shaphang ka Jindalume, kaba long ki tin sop iing ba bun jait ne ki bare-galvalume jong ka kompany ia kaba la saindur bha ban pynlong ia kine ki tiar khnang ba kin ai ka jingtreikam kaba biang bha bad pynbiang ia ka jingdawa jong ki nongthied kiba thied ia ki tiar kiba shongdor.

“Kum kawei na ki karkhana ba ha khmat ban pynmih ia ki tiar steel kaba paw ha India, ngi iaibteng ban pynkhlain ia ka jingdon jong ngi ha kylleng ka India ryngkat ka jinglah jong ngi ban jam ia ki mawmer ba kongsan. Ka jinglam khmat jong ngi ka iar sha bun tylli ki iew bad ngi khlain bah ha ki iew ha mihngi bad ki iew ba shathie. Ka ‘Milaap’ kadei ka sienjam ba kyrpang na ka bynta jong ngi ba ngi lah ban pyniasoh bad ki nongdie ia ki tiar jong ngi bad pyni sha ki ia ki tiar ba bun jait bad kumjuh ruh ban ioh ban don ka jingiadei bajan bad ki. . Da ka jingwanrah ia ki mar kum ka Jindal Sabrang bad Jindalume, ym tang ba ki la nang pynkhlain ia ka jingpynmih ia ki mar ki mata jong ngi hynrei ngi la pynkup bor ruh ia kito kiba iatehlok lang bad ngi ba yn lah ban pyndap ia ka jingdawa jong ki nongthied,” ong u nongaiktien ka Jindal (India) Limited Kum shi bynta na kane ka jingtreikam, ki nongmih khmat jong ka Jindal (India) Limited’s ki la iakren ruh shaphang ka jingthmu jong ka kompany na ka bynta ka thain, ka la lum ia ki jingai jingmut na ki nongdie bad la iakren ruh shaphang ki jingeh kaba ki lah ban iakynduh. Kane ka jingiakynduhlang ka la iarap ia ka Jindal (India) Limited ban ioh ka jingiatreilang bad ki nongdie, ban wanrah ia ka jingkiew jong ka ha baroh kawei ka thain bad ban nang pynkhlain ia ka kyrdan ka kompany kum ka komapany ba lah ban shaniah.

Dang shen, ka kompany ka la iohpdiang ia ka shithi ai jingmynjur ne ka Letter of Approval (LoA), lyngba ka shnat treikam jong ka, ka Jindal India Steel Tech Limited (JISTL), ban buh ia ka jaka shna steel ha Dhenkanal, Odisha. Ka Jindal (India) Limited’s JISTL kan bei haduh 3,600 klur tyngka ha ka wat kaba nyngkong jong ka projek bad ka jinglut baroh kan long 15,000 klur tyngka ha ka jylla, ha ki lai tylli ki wat, kat da poi ka snem 2030. Ia ka Jindal (India) Limited, la seng ha ka snem 1952, bad kadei shi bynta jong ka B.C. Jindal Group, ka kynhun kaba paw ha India. Ka jingioh ka long 18,000 klur tyngka, kane ka kynhun ka trei ha bun jait ki kam kum ki plastic kiba stang ban sop ia ki jingsong, ka bording, bad ka jingpynmih ia ki mar ki mata da ki steel. Dang shen, ka BC Jindal Group ka la sdang ruh ia ki kam ban pynmih ia ki bording ba pynmih na kiei kiei ki bym lut ne renewable power generation, ki solar cell, bad ka jingshna ia ki tiar bapher bapher.