Yn pynshongshit ka Neeti Mohan & Kanika Kappor ha ka Me’gong Festival

Ka organising Committee jongka Me’gong Festival kala pynbna ba arngut ki khlur nongrwai jong ka Bollywood kin wan ban pynshongshit ia ki paitbah ha ka Me’gong Festival kaban long ha ka 5 bad 6 tarik u Nohprah ha Garo Hills. Kila pyntip ba ha ka 5 tarik u Nohprah, ka Neeti Mohan kan pynshongshit ia ki paidbah da ki jingrwai kiba pawnam ki jongka kum ka ‘Ishq Wala Love’, ‘Jiya Re’, ‘Nainowale Ne’, bad ‘Kheech Meri Photo’. Ha ka 6 tarik u Nohprah, ka Kanika Kapoor kan pynshongshit ia ki paitbah da ki jingrwai kiba pawnam bha ki jongka kiba kynthup ia ka jingrwai ‘Baby Doll’, ‘Chittiyaan Kalaiyaan’, ‘Lovely’, ‘Jugni Ji’ bad kiwei kiwei.

Katba ia ka kynhun tem ne nongrwai kiba pawbnam ha ka pyrthei, kiban pynbyrngia ha ka 5 bad 6 tarik u Nohprah yn sa pynbna kham hadien. Ka Me’gong Festival kadei ka tamasa kaba pawnam ha ka jylla Meghalaya, kaba rakhe ia ka jingriewspah ka riti ka dustur, ka kolshor jong ki jaidbynriew Garo lyngba ka jingrwai bad ka tem ka put, ki jingshna kiba nylla bad tynrai, ki jingbam tynrai bad ki kolshor tynrai.

Ki nongpyniaid kila pynapw ia ka jingkhmih lynti ba kane ka tamasa kaba mynta u snem kan khring ia ki hajar ngut ki paidbah na kylleng ka ri bad kaban long ruh ka lad na ka bynta ki trai shnong kiban pyniaid iew ia ki jingthain kti ki jongki, ki nongsengkam lajong, ki nongkhaii pateng bad ia ka kam jngohaki ha ka rilum Garo. Kila pyntip ruh ba ia ki tiket, ka tarik bad kiwei ki jingpynbna jong ki nongrwai ne kynhun tem kiba nabar ri yn sa pynbna shen ha ka website jong ka tnad jngohkai ka jylla bad ha ki rynsan social media.