Ha ka jingjia aksiden kali, hapdeng kawei ka Maruti Alto bad kawei ka Innova, u nongniah jong ka Alto ula khlad noh hashen, katba arngut kiba shong ha Innova kila mynsaw jur bad la pynkit marmar sha ki jaka sumar ha Guwahati.
Katkum ka jingtip ba la iohlum, la iathuh ba kawei ka Maruti Alto kaba don ia u number ML10 A 7094 kaba la niah sted da u Bah Helin Lyngdoh uba na ka shnong Umtyrnga, hynrei tang mar ia poi ha kawei ka jaka ha 12 Mer Byrnihat da ka jingbym lah ban tehlakam shuh ia ka kali kala leit ban tynrah ia u ‘Divider’ bad rynsied sha shilliang ka surokbah National Highway 06 bad leit tynrah pat ia kawei ka kali Innova kaba don ia u number ML10 S 0011 kaba la niah da u Manisha Jha Kumar.
La ioh jingtip ruh, ba ha katei ka jingtakhuh kali kaba la jur bha, baroh ar tylli ki kali ki la pra phom bad haba la pynkit noh ia u Bah Helin Lyngdoh sha Byrnihat Hospital hynrei ki doctor kila pynbna ba ula khlad lypa shwa ban poi hospital namar ka jingmynsaw kaba jur katba arngut kiba shong ha ka Innova ki la mynsaw jur bad pynkit sha Guwahati. Na ka liang ki bor pulit ka Byrnihat Police Outpost tang mar ia ioh jingtip ki la leit marmar sha katei ka jaka ban pynlong ia ka jingtohkit.
You may also like
-
Pynbna u Bah Prestone ban shna surok sha Mawkhap-Nongjri Wahskong
-
Pyni riam tynrai Khasi Jaintia bad Garo ha Paris
-
Thut ka rukom sam um ba bthei ki Pipe ba trei torti ka NHIDCL, kynnoh u Myntri
-
Yn buh kamera CCTV sa 20 tylli ki shnonng nalor ka Mawlai Mawroh
-
Tar hi u MDC ia ka plastik ïong na ka ïit kali ba shah rah ha Police Station