Ki nongialam shnong ka thain Darang hynne ka sngi ki la hiar jurip ia wah Umngot bad ha kane ka jingjurip, ki la kynnoh ba ka jingsdang jngut biang ka wah Umngot ka lah ban dei namar ka jingtheh khyndew kawei ka kompeni shimet ka KL Company. Ha ka jinghiar jurip ki nongialam shnong ka thain Darrang, la kynnoh ba ka jingsdang jngut biang ka wah Umngot ka lah ban dei namar ka jingtheh khyndew kawei ka kompeni shimet ka KL Company kaba tih surok ha katei ka jaka hajan Laitkynsew kaba don harum Laitlyngkot, kaba dei jong u uwei u briew.
Na ka liang ki nongkitkam ka Darrang Eleka ki la byrngem ba lada ka wah umngot kan dang jaboh ha kine ki sngi kan don ka jingiamih paidbah ban iakhih da kiwei ki lad ki lynti kiba tyngeh. Ki nongialam ka thain Darrang ki la iakynduh ruh ia u Manager ka KL Company ha katei ka jaka namar ba mynshwa ki la dep iakren ia u trai halor kane hynrei mynta pat ki bteng biang ban theh khyndew.
Ha kane ka jingleit kynduh jong ki ia ki nongpyniaid kane ka kompeni shimet, la synran lang u bah Alan West Kharkongor ban wad tynrai ia ka jingsdang jngut biang ka wah Umngot. Ki la ioh jingtip ba kane ka kompeni ka la sdang ban theh khyndew biang shapoh ka riat kaba tuid pat sha wah Umsong bad poi sha wah Umngot ha kine ki lai sngi.
You may also like
-
Shimkhia ka Sorkar Meghalaya-Assam halor ka jingïakynad ha Lapangap
-
Iaid iaid paidbah ka JSU, JNC ban pyrshah Public Hearing ka Shree Cement
-
Ha ka jingtohkit lap ksai ki pulit ba don ki briew ba shoh ia u Trophimos
-
Ai jingmut ka FKJGP ban khang 4 sngi, plie 3 sngi ia ka surok Shillong-Pynursla-Dawki
-
Rah ka Mawlai Presbyterian ha ka ïakob rwai tynrai bad u Reward ha ka iakob iathuh khana puriskam