U Member ka Parliament (MP) ka Shillong Parliamentary constituency u Dr Rikcy AJ Syngkon hynne ka sngi ula dawa ban weng noh mardor ïa u Vice Chancellor (VC) ka skulbah NEHU u Prof PS Shukla. Haba kren ha ka iingdorbar Lok Sabha hynne ka sngi, u Dr Rikcy ula pyntip ba u VC ka skulbah NEHU u Prof PS Shukla ula pep trei la palat 392 sngi hynrei u shim ka tulop man u bnai.
“Nga dawa ban weng noh mardor ïa u Prof PS Shukla VC na ka kam kum u Vice Chancellor ka skulbah NEHU.” la ong u Dr Ricky. U la kynnoh ba u Prof PS Shukla watla ula pep trei jan shisnem tam hynrei u iai tuklar ia ki kam hapoh NEHU kaba la buh jingeh ia ki nongpyniaid jong ka skulbah.
Ula dawa ruh ban pynbna paidbah noh ia ka kaiphod tohkit ba la thung da ka tnad pule ka sorkar pdeng halor ki jingjia kynrum kynram hapoh ka skulbah NEHU, Shillong.
You may also like
-
Ban ïoh rung World Record 1000 tylli ki ksing yn tem ha Wangala
-
Ïa shim bynta da ki hajar ngut ha Proseshon Ïukharist Bah
-
Lyngba ka CM-Connect la lah ban pynbeit 5 hajar duna na palat 7 hajar ki jingud paidbah
-
Kylla rong lieh ka surok ha Langñiuh, ïam sngewsih ki nongrep
-
U pa ieid ba 104 snem bad ki skul pynkup burom kyrpang ka Riwar Mihngi Local Dorbars