U MLA ka Nongpoh Constituency u bah Mayralborn Syiem u la iathuh ba u la bthah ia ki Contractor ban pyntrei biang iaka bynta jong ka surok Nongpoh-Umden hadien ba saphriang ki video ba iaka surok ba la siang rong la shu lied daka kti.
U Bah Mayralborn u la iathuh ba u la leit ban jurip ia ka jingshna ka surok Nongpoh-Umden Sonapur haki bynta jong ka shnong Plasha ha kaba la lap ia ka jingtrei torti ki contractor bad bthah ia ka tnad bad ki contractors ba ki dei ban pyntrei hok sa shisien ia kane ka Surok. U la ong ba ka jingpyntrei ia kane ka Surok na Nongpoh Umden Sonapur ka la iaid shaid shaid hynrei ki don pat ki bynta ki ba hap ban peitbha ia ka jingpyntrei kumba la iohi ha kine ki khyndiat sngi.
“Ka jingpyntrei hi ka biang bad ka sted katkum ka jingkwah u paidbah lait noh khyndiat khynsoit hangne hangtai bad kum u MLA nga kyrpad ia ki paidbah ban iaishah ynda la lah ban pyndep mynta ka kam ka dang iaid” u la ong.
You may also like
-
Kem ding kynsan ka trok kit soh ha Shangbangla
-
Dawa ka Congress ba dei ban mait kyrteng ia 4 ngut ki MLA kiba kyntiap seng
-
Aiti ka JHADC sha ka Selection Committee ban peit bniah
-
Khlad 1, mynsaw 1 na ka jinglynshop mariang
-
Julor palat 1 hajar tylli ki iing na ka jingkhie kynsan ka ‘Eriong ha Ri-Bhoi