Ki tyllong khubor ki ïathuh ba ka National People’s Party (NPP) ka lah ban phah da u Bah HM Shangpliang kum u Member of Parliament (MP) ka Meghalaya sha Rajya Sabha. Lah ban kdew ba ka samoi treikam jong u MP Rajya Sabha ba mynta u Dr WR Kharlukhi kan kut noh ha u bnai Jylliew 2026 bad naka por shaka por u Dr WR Kharlukhi u la pynpaw ba um kwah shuh ban bteng kum u MP.
La ïathuh ba dang shen ka NPP kala lum ka jingïalang ban ïakren sani, iano yn jied ban phah long MP Rajya Sabha bad haka jingïalang ka kyrteng u Bah HM Shangpliang u Myntri Sorkar barim bad MLA barim ka Mawsynram constituency ka wan hakhmat eh. Haki jingïalang, ka kyrteng u MLA barim ka Dadenggre constituency u James PK Sangma ruh ka paw hynrei la sngewthuh ba haduh mynta ka NPP ka kwah ban phah da u Bah HM Shangpliang ban mihkhmat iaka Meghalaya kum u MP sha Rajya Sabha.
Ka NPP ka kwah ban phah da u MP u ban long ka sur jong ka Meghalaya ha ka ban kren iaki mat jingdawa kiba kynthup ka jingdonkam ban ai jingmynjur noh iaka Inner Line Permit (ILP), ban ioh jingithuh iaka ktien Khasi bad Garo haka khyrnit ba phra jong ka riti synshar ka ri India nalor kiwei kiwei de.
You may also like
-
Pynjlan ka sorkar 3 snem ia ka EVP ban ai jingiarap thied kali ilektrik
-
Bthah u Dy CM ia ki tnad ban ai kaiphoid ia kiba sah ha Them Iew Mawlong
-
Shim bynta u Lat bad ki samla pule ban bam smai ia ki kular ka Nasha Mukt Bharat Abhiyan ban iakhun pyrshah ia ki jingdih ba sniew
-
Pdiang ka Kur Talang ia ka jingpynkylla u “Rahul Kumar” sha u “Pyndaplang Talang”
-
Sdang Ka Kyrsiew Tipkur Tipkha na Smit ban tehsong ia ki Kur bad pynneh ia ki riti dustur