U Myntri ka Koit ka Khiah u Bah Wailadmiki Shylla hynne ka sngi u la pyntip ba ka Sorkar Jylla ka dang ap ia ka kaiphod na ki Consultant ban tip ia ka lynti kaba biang eh ha kaban pyniaid ia ka 108 Emergency Services ha Jylla.
Haba kren shaki la pathai khubor u Bah Wailad u la ïathuh ba haduh mynta ka Consultant ka dang bishar bniah sienjam ban shim haba iadie bad ka jingthmu ban aiti shaki Company ban pynïaid ïa 108 Emergency Services ha Jylla.
“Ngi dang ia ap mynta namar ngi la thung ia ki Consultant ba kin wad bniah ia kaei ka lynti kaba biang eh kaba ngin lah ban pyniaid bha ia ka 108 Emergency Services. Ngi dang ap ia ka kaiphod” la ong u Bah Wailad.
Haba iadei bad ka jingdawa ka Meghalaya EMRI Workers Union (MEMRIWU) ban pyllait noh iaka Arrear bad ban kyntiew tulop iaki nongtrei 108, u Myntri u la ong “Ia kane hi ngam pat ioh pdiang ia kano kano ka File, ngin sa peit ia kaei kaba dei ban leh”.
You may also like
-
Ai dorkhas ka JNC ha u President ka BJP
-
Ioh pdiang khusnam 3 tylli ki Shnong na ka President ba pyntreikam bha ia ka skhim JJM
-
Shen yn plie ia ka surok thymmai harum ka jingkieng Umiam
-
Hap hiar shuki u CEM GHADC Kyntait u bah Prestone ia ka jingkynnoh leh politik
-
ïap ki jingri, julor 30 ki ïing ba ther phria ha Mawïong Nongthliew