U Myntri ka tnat Tourism u Timothy D Shira u la pynpaw ba ka Sorkar Jylla ka dang ap ban pynlait ia ka song pisa ba T.50 klur da ka Sorkar Pdeng ban pynheh ia ka Baljek Airport. Haba kren shaki lad pathai khubor u Timothy u la ong “T.50 klur lah dep ban mang hynrei ym pat pynlait ia ka pisa sha ka Sorkar Jylla”.
U Timothy u la pynpaw ruh ia ka jingartatien halor ka jinglah ban pynheh ia kane ka Kad ba kan lah ban ai jaka hiar ia ki liengsuin kiba heh kum ka Airbus, haba pynpaw ia ka jingeh ban ioh jaka. “Ka lah ban nym long ban pynheh ha kaban lah ai jaka hiar ia ka Airbus namar ka jingioh jaka ka long kaba duna bha. Ki liengsuin kiba rit ba kit kumba 60 ngut ki briew ki lah ban hiar hangtei” u la ong. Haba iadei bad ka jingthmu ban pynroi shuh shuh ia ka Kad, u Shira ula ong ba ia mynta ym pat don satia kano kano ka sienjam ban shna ia ka kad liengsuin kaba heh.
“Nga tharai kan long kaba eh ban ioh jaka hangtei ban tei ia ka kad liengsuin kaba heh” ula pynpaw. U Myntri u la pynpaw ia kawei pat ka jingthmu ban shna ia ki helipad ha man ki district helipad, kynthup ha Balpakram, ban kyntiew ia ki kam jngohkai.
You may also like
-
Lada ka jingpynkylla ia ka FCRA ban klun ne pynduh jait kan long ka ain iakjakor’
-
Shah kem 2 ngut bad ïoh kurup 32.64 gram u Heroin
-
Ka Ropeway Ha Ki Ranab U Lum Shyllong: Ka Dei Tang Ka Rongphong-TUR
-
Ka jingphet seng bad jingshah thied kinongïalam ki dawbah jingtlot ka Congress
-
Ka pateng mynta ka dei ban pynneh ia ka jingstad ba la ai ki kpa tymmen: Kong Deity Majaw