Ki Pulit jongka Anti Narcotics Task Force (ANTF) kila iohkem ia 2 ngut ki samla kiba la donkti ha kaban khaii tuh ia u droks uba don 32.64 gram bad shongdor kumba T.5 Lak.
Ka ANTF ha ka jingbteng ban iakhun pyrshah ia u droks kala leit pynap shrip hadien ba kala ioh ia ki jingtip kiba paka ha ka thain Umiam bad kala iohbat ia uwei u suba nongkhaii droks uba dang thmu ban wan sha Shillong.
Hashwa kane ha ka por janmiet, kawei ka kali kaba don ia u registration number AS-01-AV-1166 kala shah bat ha Lad Umiam. U nongshong ha kane ka kali u Allan Marwein, uba sah ha Mawlai Nongkwar, Block-13, Shillong, ula shah talasi hakhmat ka jingdonlang ki nongsakhi bad da kaba bud pyndep ia ki kyndon ain bad la lap ia kawei ka jaka thep sabon kaba la suba jur ba la buhrieh ia u droks Heroin.
Hadien ba la khmih bniah bad leh Test la shem ba udei u droks Heroin uba don 10.93 gram.
Ha ka por mynmiet la ioh pdiang sa ia kawei ka jingtip kaba paka kaba la lam ha kaban iohbat ia kawei ka thuk thuk kaba don ia u registration number ML-05-AB-9546, kaba la pyrshang ban phet krad na ki pulit kiba la pynap shrip ha ka thain Umiam.
U nongniah thuk thuk u Jaziel Nongjop Syiem, ula shah bat bad ha ka jingtalasi katkum ka jingbud ryntih ia ki kyndon ain la lap ia artylli ki jaka buh sabon kiba la buhrieh ha ka jaket.
Haba khmih bniah bad leh test la shem ba udei u droks Heroin uba don 21.71 gram.
Ha kitei baroh artylli ki jingjia, ia une u jingdih uba sniew la kurup noh aktkum ki kyndon jongka Narcotic Drugs and Psychotropic Substances Act, 1985 bad la kem noh ia kine kiba donkti bad ban leh ia kaba donkam.
You may also like
-
Ka Ropeway Ha Ki Ranab U Lum Shyllong: Ka Dei Tang Ka Rongphong-TUR
-
Ka jingphet seng bad jingshah thied kinongïalam ki dawbah jingtlot ka Congress
-
Ka pateng mynta ka dei ban pynneh ia ka jingstad ba la ai ki kpa tymmen: Kong Deity Majaw
-
Palat sanspah ki dieng la pom, ka Project Shillong Ropeway kan iaid shakhmat
-
Kurup drok heroin ba T.7 lak ki pulit na 2 ngut samla