Ka Kerala mynshwa ka pynmih u shynrai ba bha hynrei mynta phi lah ban ioh u shynrai ba bha tam na Meghalaya, la ong u Dr Vijay Kumar commissioner bad secretary ka jylla Meghalaya.
Ia kane ula ong haba ai jingkren ha ka jingialang plie ia ka tamasa shynrai ha Jio world drive, Maharashtra.
Ula ong ka jingthmu ban pynlong ia kane ka tamasa ka long ban pynshlur ia ki nongrep bad ki nongseng kam lajong ban pyniaid Iew ia ki ma rep shabar Jylla bad kumjuh shabar ri bad lada ka Iew ka biang ki nongrep ruh ki ioh jingmyntoi.
U la bynrap ka sorkar jylla ka ju iarap bad pynshlur ia ki nongrep lyngba ki skhim bapher bad ka jylla mynta ka pynmih bun ki mar rep kum sohtrun, shyieng, sohmrit, sohniamtra bad kiwei bad u sohtrun na Meghalaya u dei uba bang bha bad la shalan ruh sha Dubai.
U la ong kane ka tamasa ka dei ka jingsdang ka jylla ban pyniaid Iew ia u shynrai Lakadong na Jaintia, shabar Jylla, namar ki kor ki bor ki la biang ban shna bad kumjuh ban song na bynta shalan sha kiwei ki jylla bad shabar ri.
You may also like
-
Pyndam ka KSU ia ka jingthoh ‘KHALERIAT’
-
U ba mih bujli ia u Dr. Ricky Syngkon un pynurlong ia ki kular ka Party
-
Ujor ka SKRS sha u DC ba trei torti ia ka surok Umden sha Byrnihat
-
Rah I heprit Shelevah ïa ka Sur Kynud Season 4, khung 1 lak tyngka
-
Na ka bynta ki paidbah la pyllait ïa ka kali sumar nongpang