Pyllait u Lat ia ka Mobile Processing ban pynpoi ki kor teknoloji sha ki nongrep

U Lat ka Jylla Meghalaya u CH Vijayashankar hynne ka sngi ula plie ïa ka mobile processing halor ka thong ban pynpoi ia ki kor teknoloji sha ki nongrep jka Jylla.

La pynwan dur da ka Northeast Centre for Technology Application & Reach (NECTAR) ha ka jingiatreilang bad ka Mysuru’s CSIR‑CFTRI ka trok ka lah ban shna jingbam lyngba ki mar rep hala ki jaka rep.

Haba kren ha kane ka sngi, u Lat u la jer ïa ka MPU kum ka nuksa ban wanrah ïa ki kor teknologi kham jan sha ki nongshong shnong da kaba ong ba ka pynkupbor ïa ki nongshong shnong bad ban thaw ïa ki lad kamai kiba lah ban neh na ka bynta ki nongrep bad ki nongseng kam seng jam.

U Lat u la pyllait paidbah ia ka MPU kaba la pyni ia ka sienjam kaba kongsan ban wanrah ia ki jaka pynmih marbam katkum ka jud stad mynta kiba kham jan sha ki jaka haki thaiñ nongkyndong bad ki jaka ba jngai.

U la pynpaw ka jingshaniah ba kum kine ki lad jingïarap ba la pynïaid da ki kor Teknoloji kin don ka bynta kaba kongsan ha kaba pynsted ïa ka roi ka par kaba kynthup lang ha ka thaiñ Shatei Lam Mihngi, ban kyrshan ïa ki nongrep, ki nongseng kam seng jam bad ki nongpynmih mar rep lyngba ka jingpynbha ïa ka jingïoh iaki lad jingïarap lyngba ka teknoloji.

U Director General ka NECTAR u Dr Arun Kumar Sarma u la ong ba kum kine ki jingthmu ki dei shi bynta jong ka jingpyrshang jong ka tnad ban pyndonkam ia ka science bad technology na ka bynta ka roi ka par jong ka thain shatei lammihngi” bad ban kyntiew ia ka kamai kajih ha ki jaka ba dang sahdien.

U Director ka CSIR‑CFTRI u Dr Giridhar Parvatham ula ban jur iaka jingiatreilang hapdeng ki kor Teknologi naka bynta ban wanrah ka jingkylla hapoh ka thaiñ.