Kum shibynta ban rakhe ïa ka taiew jong ka synshar bakhuid, ka ALIMCO ryngkat ka jingiatreilang bad ki bor District bad ka District Social Welfare Office ki la pynlong jingialang ha ka 19 tarik u Nohprahha ka ophis ka Deputy Commissioner, East Khasi Hills Shillong, ban ai jingiarap ia ki riew tymmen bad kiba duna ha ki dkhot met hapoh ka skhim Pradhan Mantri Divyasha Kendra (PMDK), skhim Rashtriya Vayoshri Yojana (RVY) bad ka skhim ADIP.
Ha ka jingialang la donlang ka Additional Deputy Commissioner ka PK Sangma bad kiwei ki ophisar bad la sam ïa ki tiar sha ki nongïoh jingmyntoi kynthup ki shuki ba don shaka sha ki tymmen, ka shuki ba don paitkhana, ki tiar iarap ban iohsngew, ki dieng shan na tyrpeng bad ki diengduh bad kiwei kiwei.
Ki bor pynïaid District, East Khasi Hills District na ka bynta ban pynsuk ïa ka E- Services ki la pynlong ïa ka camp ba kyrpang ha kane ka sngi ha ophis ka Deputy Commissioner. Ka jingthmu ka long ban pynbiang kloi ia ki kot ki sla ba donkam kum ki syrnod ST/SC, ki EPIC bad ki kot pynshisha ka jaka sah ba pura.
You may also like
-
Dawa ki sengbhalang ban pyndam noh ia ka SAI Computer Pvt. Ltd ban sam bording ha thain Mawsynram
-
Pynsangeh ka NTA ïa ka NEET-UG 2026 ba kynnoh lait tuh ki Question Paper
-
Ka jingbym ioh jaka kam dei tang ka daw ba kyrduh doctor ka Jylla
-
Thoh ka Sorkar sha u Modi ban wan plie ia ka Shillong Medical Kolej
-
Puk tur spah ngut ki paidbah Lapangap sha Secretariat, synreit lyer pynsat khmat ki pulit