Shah kem 2 ngut ba pynbthei bom IED, kurup suloi bad bun ki tiar shna bom

Ki pulit ka East Jaintia Hills ki la kem ar ngut ki briew ba donkti pynbthei bomb IED ha ka jaka treikam ka Dhar Company ha Shymplong, East Jaintia Hills.
Ia ki ar ngut ba shah kem la ithuh kyrteng u Richard Suchen 31 snem bad u Pynshaitbor Syih 45 snem na ka shnong Shymplong.
Ha ka jingtohkit ki pulit ki la phla ba ki la leh ia katei ka kam runar bad ki la kurup ruh katto katne ki tiar shna bomb na ka Iingsah u Smiki Tongper uba la iasuh buit ban leh ia katei ka kam pyntriem bad uwei u dkhot ka HNLC ryngkat ki ar ngut kiba shah kem.
La iathuh na ka iing u Tonper ki la ioh kurup ia ki tiar shna bomb kyn-thup ia ki safety fuse, detonator, ba khor, ki nar jot, ka suloi shna hi, ki waiar less bad kiwei kiwei ki tiar.
Ki la iathuh ba u Tong-per u dei ruh uba shah kyn-noh don kti ha kawei ka jingjia ba la rejistar case ha Khliehriat Women Police Station hapoh ki kyndon ka IPC bad ka POCSO Act.
Ki Pulit ki la pynthikna ia katei ka kam pyntriem la leh da ka kynhun kieng atiar ba la shah khein be-ain ka Hynniewtrep National Liberation Coun-cil (HNLC) ha ka step phyr -ngab 15 tarik u Nohprah ha kaba ki la pynbthei ia u bom bad kawei ka kali Tanker ka la julor ha kane ka jingjia.
Ka jingtohkit ka dang iaid shakhmat bad la reji-star case hapoh ki kyndon ka Bharatiya Nyaya Sanhita bad ka Explosive Substances Act bad ki dang thwet ban ioh kem ia kiwei ki briew ba donkti lang.
Kum ban pynkynmaw ka HNLC ka la kam ba ka la leh ia kane ka kam pyntriem bad kynnoh ba u Bah Sniawbhalang Dhar uba long u Symbud Myntri Rangbah ka jylla ym shim la siew ia ka jingdawa pisa ka seng bad ka la pynpaw ruh ha ki por ba mynshwa u Bah Dhar u ju siew pisa katba dawa ka seng.