Ka sorkar ha ka jingpynbna ka la kyntiew kyrdan ia ki heh pulit IPS kynthup ia ar ngut ki ophisar (IPS) u Davis N. Rangsa Marak bad Aditya Goenka kum ki Inspector General of Police ha ka kyrdan 14 (Pay Matrix) bad kane kan treikam naduh 01.01.2026.
Ka jingkyntiew kyrdan ia kine ki heh pulit ka long lyngba ka jingithuh ka Civil Services Board (CSB), u Davis N. Rangsa Marak ba bat kum u Deputy Inspector General of Police (Eastern Range), Shillong un shimti noh kum u Inspector General Police (L&O), Shillong katba u Aditya Goenka ba bat ia kam Deputy Inspector General Police, CID, Shillong un shimti noh kum u Inspector General Police, CID, Shillong.
Kiwei pat ki ophisar IPS ba la kyntiew kyrdan kum ki Deputy Inspector General Police ki long u Vivekanand Singh (IPS) bad u Sylvester Nongtnger (IPS).
U Vivekanand Singh, Superintendent Police, Ri-Bhoi District, Nongpoh un shimti kum Deputy Inspector General of Police (Eastern Range), Shillong ha ka jaka u Davis N. Rangsa Marak bad u Sylvester Nongtnger Senior Superintendent Police, TAP, Shilong, un shim shimti kum u Deputy Inspector General Police (Security), Shillong.
Katba ia Ritu Raj (IPS) ka kyntiew kyrdan na ka kam Commandant 6 MLP Bn, Umran kum u Senior Superintendent of Police, TAP, Shillong ha ka jaka u Sylvester Nongtnger.
Kiwei pat ki pulit ophisar ba la kyntiew kyrdan ki Junior Administration Grade ki kynthup ia u Giri Prasad M (IPS) u Nangkiew K. Syiem (IPS), Maxwell B. Syiem (IPS) Lakador Syiem (IPS) Bobby S.W Momin (IPS) bad u Goldenbert D. Kharmawphlang (IPS) bad kiwei kiwei.
Ha kane ka jingkyntiew kyrdan Giri Prasad M (IPS) Superintendent of Police, ANTE, Shillong un shimti kum Superintendent of Police, Ri-Bhoi District, ha jaka u Vivekanand Singh, u Nangkiew K. Syiem un bteng kum Superintendent Police (R/PR), Shillong, u Maxwell B. Syiem un bteng kum Superintendent Police, AID, Shillong, Lakador Syiem, IPS un bteng kum Administrative Officer, Meghalaya Police Academy, Umran, u Bobby S.W Momin un bteng kum u Superintendent Police, SBI, Meghalaya, Shillong bad u Goldenbert D. Kharmawphlang (IPS) un bteng kum Superintendent Police, ATS, Shillong.
You may also like
-
T.344.4 klur mang ka sorkar ban iada ki tyllong um ka Wah Umiew bad Ganol“Ka project ban myntoi ki nongshong shnong”
-
Leit jngoh u Myntri ia ka shnong Maikhuli Bthah ia u DC ban iakren bad ka Assam ban wanrah shongsuk hapdeng ki ar District
-
Bthah u DC ia ki pulit ban khynra kam die met ha Khyndailad bad kiwei ki jaka
-
Plie u Conrad ia ka kamra ba 50 thymmai ba jingthiah ha DMCH Tura.
-
Husiar paidbah wat ngeit ia ki ‘Social Media’ peit ia ki kam, ong u Bah Prestone