Ka United Democratic Party (UDP) ka weng noh ia lade na ka sorkar synrop MDA-II kaba la iatreilang palat 7 snem ha ka sorkar synrop MDA, kam dei ba pynbor ka NPP ban mih hynrei ka dei ka rai shimet, ong u Bah Prestone Tynsong President ka National People’s Party (NPP) Meghalaya ba long ruh symbud Myntri Rangbah.
Ia kane ka ula kren hadien ba ka UDP ha ka jingialang CEC ka la shim ka rai ban weng ka jingkyrshan ia ka Sorkar MDA hadien ba u President Bah Metbah Lyngdoh ula hiar shuki kum u Myntri Sorkar.
Haba kren shaki lad pathai khubor u Bah Prestone ula ong, um tip satia ia ka daw ba pynlong ia ka UDP ban mih noh na ka Sorkar MDA, hynrei ula ong kan ym ktah satia ia ka Sorkar MDA namar tang ka NPP ruh ka la don 36 ngut ki MLA.
“Hooid ngi iatreilang tangba ym dei ba beh ma ngi, lada ki mih te ngin ong kumno” la ong u Bah Prestone.
U Bah Prestone ula ong ba ka nongrim jong ka NPP kadei hi ban bteng ka jingiatreilang ym tang ha kane ka samoi treikam hynrei wat hadien 2028.
“Ngi kwah ban iai ban ba ka jingiatreilang lah ban long ym dei tang mynta ruh, ka dei long wat hadien 2028 ruh, kata ka dei ba ngi kwah” ula ong.
You may also like
-
Kwah u Conrad ka Library thymmai kan khring ia ki khynnah ban pule kot ban lait na ki Mobile
-
Ka bym pat ju jia hapoh 40 sngi ka UDP na ki 12 ngut sa tang uwei u MLA: Bah Paul
-
Ha ka sien nyngkong pynlong jingialang ka Joint Parliamentary Committee halor ka FCRA Bill ha Shillong
-
Hab sah iing wai ki nongtrei ka Hospital Mynnar Jirang, mad jingeh ki nongpang
-
Pynkup burom u MLA ia ki riew rangbah, ki samla pule bad nongialehkai