Ki bor District ka East Khasi Hills District ryngkat ki pulit hynne ka sngi ki la leit ban kyndang bad pynpra ia ki tala ba la khang da ka Khasi Hills Autonomous District Council (KHADC) ha ki jaka treikam ka Shillong Ropeway project ha Madan Laban, Shillong.
Ka KHADC ka la leit ban khang tala ia ki jaka treikam ka Shillong Ropeway ha Laban ha ka 27 tarik Risaw halor ka nongrim ba kim don ka Trading Licence bad wat ka NoC na ki shong kaba long pyrshah ia ki kyndon ain (Trading by Non Tribal) jong ka KHADC.
“Mynta ka sngi ha ka por 11 baje mynstep, ki Magistrate ka East Khasi Hills ryngkat ki Pulit, ki la kyndang ia ki tala ba khang ha khyrdop bad ka Ophis treikam jong ka kompani ba pyntrei ia ka Roeway kaba don hapoh ka Lower Terminal Point, Madan Laban” ong ki bor district.
Hadien ba plie biang ia kane ka jaka, ki bor district ki la buh ia ki bor pahara ban khanglad ia kino kino ki jingjia.
Shuwa kane, ka Tnad Tourism ka la ujor ejahar pyrshah ia u Inspector ka KHADC namar ka jingleit khang beain ia ka jaka treikam kaba dei jong ka Sorkar.
You may also like
-
Ka ‘Gospel Concert’ KJP Assembly ha Polo ban pynmih pisa ia ki Project
-
Ki jingdon jingem jong ki Balang ym lah ban kurup, ong ka PCI
-
Bam smai u Bah Paul kum u Myntri sorkar, ka bhah kam hadien 2 sngi ong MR
-
Dap 100 snem ka skul St. Mary Mazzarello ha jingshakri ban ai jingstad ia ki khynnah
-
Pyllait u Bah FR Kharkongor ia ka jingrwai ‘HER SHA KA THONG’