Ai jingsumar ka Apollo Hospital da ki lad sumar thymmai ban pynduh jait

Ka Apollo Multispeciality Hospitals, Kolkata hynne ka sngi ka la pynlong ia ka jingai jinghikai halor ki jingkoit jingkhiah bad ki jingsumar kiba thymmai ban pynduh jait na ka jingpang bampong (Cancer) ha ka khlieh bad ryndang. Ia kine ki jingpang lah ban ioh ia ka jingsumar ha kylleng ki jaka kiba don ha ki thain Lammihngi jong ka ri India.Ia kane ka jingialang la ialam da u Dr Rajeev Sharan uba dei u Senior Consultant ha ka Onco Surgery bad u Dr Ramdip Ray uba khlieh ia ka Liver Transplant bad u Senior Consultant ka Gastrointestinal Surgery na Apollo Multispeciality Hospitals, Kolkata. U Dr Rajeev Sharan u la iathuh ba u khniang jingpang cancer khlieh bad ryndang udei uwei na ki cancer kiba kham bun tam ha ri India, khamtam eh ha ka thain Lammihngi ki jur kiba ioh ia kane ka jingpang. Kine ki jingpang bampong ki kynthup ia ka shyntur, thylliej, pdot, bad kiwei de, bad bun ki briew ki wan phah shah sumar slem namar ka jingbym tip bad ka jingbym ioh jingshai haba iadei bad kane ka jingpang.

Katkum ka jingiathuh ki doktor ki daw ba ioh ia kane ka jingpang kadei na ka jingbam bad jingdih duma, ki gutkha bad ki supari kynthup u kwai, lem bad ka jingdih kiad ki dei ki daw bah ia kane ka jingpang. Ki la iathuh ba ki don ruh ka jingroi bad jingpang pdot ha ki khynnah samla namar u khniang Human Papillomavirus (HPV). Ki dak ki shin kiba kham donkam ban tip ki long ki tohjaw ha shyntur kiba ym koit shuh, ka jingpang pdot bad jingkylla ka sur ba neh slem, ka jingtyrkhong pdot, ka jingat u ryndang, bad ka jingmih snam na shyntur. Ki Doktor ki la batai halor kiei ki lad ba ki lah ban ioh ia ka jingsumar na ka Robotic Surgery ban pynduna iaka jingpang, ym da pynmih snam bun, bad kham kloi ban koit. Ban ioh ia ka jingsumar, ka Apollo Hospitals ka don ki rukom sumar ba thymmai kum ka Transoral Robotic Surgery (TORS) bad kiwei de ki rukom ot ba khlemm sah dak ha ka ryndang.

Katba haba iadei bad u Liver Transplant, u Dr Ramdip Ray u la iathuh ba ka ri India ka long kawei na ki ri kiba hakhmat tam ha ka liang ka liver transplant, hynrei ka thain Lammihngi ka dang duna ha kine ki kam. Ula iathuh bad k Apollo Hospitals, Kolkata, ka long kawei na ki hospital kiba shim khia ban leh ia kane ka jingsumar ha kine ki thain. Ka liver transplant ka dei ka lad jingsumar kaba biang tam ia kito kiba pang liver cirrhosis, bad ka jingjop na kine ki jingsumar ka la palat ia ka 90 percent. Ula ithuh ba ia ki liver transplant lah ban ioh lyngba ki dkhot met u briew ba dang im.