U Kyrtong ka Voice of the People’s Party (VPP) ban iakhun ilekshon MP shiteng samoi u Dr Batskhem Myrboh ula ong, ba um tip satia ia ka daw ka jingpynslem ka skulbah North Eastern Hills University (NEHU) ban ai No Objection Certificate (NOC) ba un iakhun ilekshon MP.
U Bah Batskhem ula iathuh naduh ba ka VPP ka la pynbna ka kyrteng jong u ban iakhun ilekshon MP na Shillong Parliamentary Seat, kumba dei ka rukom (Procedure) ula pan ka NOC na ka skulbah NEHU.
“Kumba dei ka rukom (Procedure) nga hap pan NOC hynrei haduh mynta ngam pat ioh. Nga khlem ong ba ka NEHU kam ai. Nga ong ba ka NEHU kam pat ai NOC haduh mynta” la ong u Dr Batskhem.
Ula bynrap ba ula ujor sha ka Meghalaya Court ha ka taiew ba la dep, halor ka jingbym ai NOC ka NEHU ban iakhun ilekshon MP shiteng samoi.
“Ngam tip ïa kaei ka daw, ka NEHU kan hap ai ki daw ha ka Court, te ngin sa peit kein, yn da ka NEHU ka la ai Affidavit sha ka Court, ïa mynta ngam lah ban batai ai kan wan ka Official namar ka dang ha ka iingbishar ” ula ong.
You may also like
-
Ka thma ‘West Asia’ kam ktah ia ki nongwan shangkai pyrthei sha Meghalaya
-
Ai jingsumar ka Apollo Hospital da ki lad sumar thymmai ban pynduh jait
-
Ki paidbah ki shaniah ia ka Akashvani kum ka nongai jingtip ia ka Ri
-
Kiew bai bording ilektrik ba pyndait ‘Smart Meter’, ong u paidbah ia u Conrad
-
Buh mawnongrim u Conrad ki project kam pynroi ba T.150 klur ha Tura