Ka tnad Veterinary jong ka Byrnihat mynta ka sngi ka la ioh ban sdang ia ka jingai injek Rabbies ia ki jingri bapher bapher ba kynthup ia ki ksew, ki miaw bad kiwei kiwei ia kane ka jingai injek mrad (Anti Rabies Drive) la pynlong ha ka thaiñ Jorbil Killing. Nalor ka jingai injeksion ia ki mrad, na ka liang ka tnad Veterinary lyngba u Dr. Aiban Phancon ka la ioh ban ai jingpynshai halor ka jingma jong ka jingpang Rabbies kaba lah ruh ban shim ia ka jingim ba kordor tang lada ki briew kiba shah dait ha ki mrad ki kheiñ sting ban nym leit sha ki jaka sumar ban ioh ia ka jingsumar kaba mardor.
Lah ban kdew, ba dang shen kawei ka longkmie ka la duh noh ia la ka jingim hadien ba la shah dait ha la u ksew ha Killing tang namar ba kam shem la leit shim ia ki lad jingsumar ban iada na ka jingpang Rabbies. U Dr. Phancon u la pynpaw ia ka jingsngewkmen halor ka jingwan ia shimbynta kaba shitrhem jong ki nongshong shnong ka thaiñ Jorbil Killing da kaba wan rah ia ki jingri jong ki ban ioh ia ka injection Rabbies ban iada na kane ka jingpang kaba shyrkhei.
Na ka liang ka tnad Veterinary kan iai bteng ban rung sha ki Shnong ki thaw ban ioh ban pynsngewthuh paidbah halor ka jingma jong kane ka jingpang nalor ka jingai injek ia ki jingri bapher bapher.
You may also like
-
Ka Mawlong Nongtluh Weaving Center kan ai jingkyrshan ïa ki nongthaiñ jaiñ ka thain
-
Byrthen ïakhih ka KSU lada ym urlong ki 5 tylli ki mat jingdawa, kynthup ban pyndam ïa ka public hearing ka Shree Cement
-
Hukum ka Meghalaya HC ïa ka KHADC ban thung biang ïa u Ainam Manik kum u Syiem ba pura ka Hima Mylliem
-
Hapdeng ka jingiphuh kut ka shad Behdeiñkhlam ka Seiñraij Ialong
-
Hadien 2 bnai, ïaid biang ki kali harum Laitlyngkot, buh pulit ban shngaiñ ki paidbah