Ka Sorkar Jylla ka dang ap ia ka kaiphod jong ka Committee hashuwa ba kan shim ia ka sienjam halor ka jingkynnoh kyntur ka University of Science and Technology Meghalaya (USTM) sha ka jaka khlaw. Ia kane la pyntip da u Symbud Myntri Rangbah u Bah Prestone Tynsong bad ula ïathuh baka Sorkar Jylla kala bthah ia ka Committee bala khlieh da u Addl Deputy Commissioner ka Ri-Bhoi bad kynthup ia ki dkhot na ka Pollution Control Board, Mining & Geology bad bor District, ba kan aiti ia ka kaiphod jingtohkit hapoh ka 15 tarik u Risaw.
U Bah Prestone ula ïathuh ba ka kamram jong ka Committee ka long ban leit jurip ia ka jaka bad ai ia ka kaiphod ba bniah halor ka jingkynnoh kyntur sha ki jaka khlaw da ka USTM. “To ngin ap bad peit ia ka kaiphod bad hadien ba ngi ioh ia ka kaiphod ngin sa lah ban iathuh ia phi ia kiei ki kam ba ngin na ka Sorkar Jylla” la ong u Bah Prestone. U Bah Prestone ula pynpaw ruh ban phikir bha pyrshah ia ka jingshim rai kyrkieh, da kaba pynpaw ba ka jingrai ban shu khang khyrdep ia kiei kiei khlem da shong bishar bha kan dei ka kam kaba bakla.
“Hynrei nga sngew shimet ba lada phi shu kren matlah ba phi hap ban khangdam ia kiei kiei baroh, nga sngew ba ka dei ka bym dei satia” ong u Bah Prestone.
You may also like
-
Ka VPP ka iada jinglong kyrpang ka jaidbynriew
-
Sdang ka Ri-Bhoi District Level Youth Parliament ba ar sngi
-
Ther u Symbud Myntri ïa Bah Ardent ba pynlong politik halor jingiap khynnah
-
Hapoh ka 2 snem ki liengsuiñ baheh kin sa lah ban hiar ha Shllong Airport
-
Aiti u bah John ïa ki Article 338 bad 338A ha u MP Rajya Sabha ban pynbeit