U Symbud Myntri Rangbah uba dei ruh u President ka National People’s Party (NPP) Meghalaya, u Bah Prestone Tynsong ula ong ba kam pher na ka jaidbynriew aiu bat iaka shuki Myntri Rangbah ka Jylla hynrei kaba donkam eh ka long ban wanrah ia ki kam pynroi naka bynta ka jingmyntoi ka Jylla baroh kawei. Ia kane u Bah Prestone ula jubab halor ka jingdawa ban thung Myntri Rangbah da u Khasi.
Haba kren shaki lad pathai khubor u Bah Prestone ula ong “Ngam donkam ban kynthoh ia kane namar balei ba ngan wanrah ia ka jingsngew iapher Jaidbynriew. Nga sngew ba ngim dei ban iakren ia kane, ym dei hi ruh”. U Bah Prestone ula ban jur ba kaei kaba kham kongsan ka long ban pynthikna ia ka roi ka par jong ka Jylla bad ka bha ka miat ka dei ban don ha ka lynti kaba dei.
“Katba ngi dang ia don ha Meghalaya, MLA ka Meghalaya, ngam don jingsngew mano ba dei u Myntri Rangbah” ula ong haba phah ia ka khubor kaba shai ba um kwah satia ban shimti ia ka shuki Myntri Rangbah.“Ai ba ki briew jong ngi kin sngewthuh ia kane. Lada phi ong hooid phi wanrah ia u Myntri Rangbah lehse uba na West Bengal lane na Bangladesh lane Assam, hooid nga ruh nga pyrshah ia kane” ula ong.
You may also like
-
Ka jingrakhe lyngkhuh 139 snem ka Balang Unitarian ka long ban pynthymmai ia ka jingngeit
-
Ka AMMRPWU kam don bynta shuh bad ka JAC: Bah Nazarius K Lanong
-
Shah kawang Petrol bom ka Lumdiengjri PS, julor ka kali DHS ba kem ding
-
Iakynduh ka kynhun ki Nongthoh khubor na UP ia u Lat ka Meghalaya
-
Noh synniang ka APSTA da ka ‘Charity Home’ ha rakhe sngi iap u Thomas Jones